హనుమాన్ డైరెక్టర్‌తో బాలకృష్ణ.. ఇప్పటికీ ఎవరూ టచ్ చేయని జోనర్‌లో సినిమా!

యంగ్ అండ్ టాలెంటెడ్ డైరెక్టర్ ప్రశాంత్ వర్మ తెరకెక్కించిన హనుమాన్ మూవీ మరికొన్ని రోజుల్లో ప్రేక్షకుల ముందుకు రానున్న విషయం తెలిసిందే. సంక్రాంతి కానుకగా జనవరి 12వ తేదీన ఈ సినిమా విడుదల కానుంది. తేజ సజ్జ హీరోగా వస్తున్న హనుమాన్ మూవీపై భారీ అంచనాలే ఉన్నాయి. ఇప్పటికే విడుదలైన టీజర్, ట్రైలర్, పోస్టర్లు, పాటలు అని విశేషంగా ఆకట్టుకున్నాయి. హనుమాన్ సినిమాపై భారీగా బజ్ ఉంది. ఈ చిత్రం విడుదల అవుతున్న నేపథ్యంలో డైరెక్టర్ ప్రశాంత్ వర్మతో పాటు సినిమా సినిమాలో నటించిన నటీనటులు వరుసగా ఇంటర్వ్యూలు ఇస్తూ మూవీ ప్రమోషన్స్ చేస్తున్నారు.

తాజాగా ప్రశాంత్ వర్మ ఓ ఇంటర్వ్యూలో మాట్లాడుతూ తన సినిమా విశేషాలు పంచుకున్నారు. హనుమాన్ సినిమా గురించిన విషయాలతో పాటు గత కొన్ని రోజులుగా ప్రశాంత్ వర్మ - బాలయ్య బాబు కాంబోపై చర్చ జరుగుతున్న విషయం తెలిసిందే. సోషల్ మీడియాలో వీరిద్దరి కాంబినేషన్ లో ఓ సినిమా రాబోతోందని గుసగుసలు వినిపిస్తున్నాయి. దానిపై సంబంధించి పలు విషయాలను పంచుకున్నారు ప్రశాంత్ వర్మ. బాలయ్య బాబుకు తాను ఓ కథ గురించి చెప్పిన విషయం చెప్పారు.

Recommended Video

తాను నరేట్ చేసిన కథపై బాలయ్య చాలా ఎగ్జైట్ అయ్యారని అన్నారు. అయితే ఈ సినిమా ఎప్పుడు పట్టాలెక్కనుందన్నది మాత్రం తన చేతుల్లో లేదని ప్రశాంత్ వర్మ చెప్పారు. స్టార్ హీరోలు ఎప్పుడు కాల్షీట్లు ఇస్తే అప్పుడే షూటింగ్ చేయగలుగుతామని అన్నారు ప్రశాంత్ వర్మ. ప్రశాంత్ వర్మ - బాలయ్య బాబు కాంబోలో వచ్చే సినిమా పూర్తిగా కొత్త జోనర్‌లో ఉంటుందని చెప్పుకొచ్చారు ప్రశాంత్ వర్మ. బాలకృష్ణ ఇప్పటి వరకు ఎన్నో జోనర్ సినిమాలు చేసినప్పటికీ.. ఈ జోనర్ ను ఎప్పుడూ టచ్ చేయలేదని అన్నారు ప్రశాంత్ వర్మ.

అసలు భారత్ లోనే ఈ జోనర్ లో ఇప్పటి వరకు ఎలాంటి సినిమా రాలేదని చెప్పుకొచ్చారు ప్రశాంత్ వర్మ. అలాంటి ఓ కొత్త జోనర్ లో బాలయ్య బాబు సినిమా ఉండనుందని అన్నారు. ఆ జోనర్ ఏంటి అనే కదా డౌట్. అయితే ఆ డౌట్ ను క్లారిఫై చేయలేదు ఈ యంగ్ అండ్ టాలెంటెడ్ డైరెక్టర్. తన జోనర్ గురించి బయటకు చెబితే.. తాను బాలయ్య బాబుతో ఆ సినిమా తెరకెక్కించే లోపే ఎవరైనా ఆ జోనర్ లో మూవీ చేస్తారని ఆ ప్రశ్నకు బదులు ఇవ్వలేదు ప్రశాంత్ వర్మ. బాలయ్య బాబుతో తెరకెక్కించనున్న మూవీకి సంబంధించిన పోస్టర్ ఇప్పటికే డిజైన్ అయిపోయిందని చెప్పారు హనుమాన్ మూవీ డైరెక్టర్. పోస్టర్ కు సంబంధించి ఎలాంటి వివరాలు రివీల్ చేయలేదు.