దివ్య భారతి, శ్రీదేవి మరణాలపై అర్నబ్ షాకింగ్ కామెంట్.. బాలీవుడ్‌ హీరోలకు భయమెందుకో వర్మ ఎటాక్

Recommended Video

PARANNAGEEVI Official Trailer | RGV | Shakalaka Shankar

సుశాంత్ సింగ్ కేసుపై ప్రత్యేక డిబేట్

ప్రముఖ జర్నలిస్ట్ అర్నాబ్ గోస్వామి గత కొన్నిరోజులుగా సుశాంత్ సింగ్ కేసుపై ప్రత్యేక డిబేట్ నిర్వహిస్తున్నారు. ఇక ఇటీవల డిబేట్ షోలో బాలీవుడ్‌పై ఒక్కసారిగా దుమ్మెత్తిపోశారు. ఆయన చేసిన వ్యాఖ్యలు సోషల్ మీడియాలో వైరల్ అయ్యాయి. బాలీవుడ్ ఇండస్ట్రీలో చీకటి రహస్యాలు గుట్టు విప్పాల్సిన సమయం వచ్చిందని, బాలీవుడ్ ఇండస్ట్రీ ఒక డర్టీ అని వ్యాఖ్యానించారు.

సమాధానం చెప్పాల్సిన అవసరం ఉంది

బాలీవుడ్ కి అండర్ వరల్డ్‌తో కూడా సంబంధాలున్నాయని అంటూ.. 19 ఏళ్ల యువ నటి దివ్య భారతి చనిపోతే అసలు విషయం బయటకు రానివ్వకుండా చేశారని శ్రీదేవి, జియా ఖాన్ సుశాంత్ వంటి వారు మృతికి బాలీవుడ్ సమాధానం చెప్పాల్సిన అవసరం ఖచ్చితంగా ఉందని అర్నాబ్ పలువురు సినీ ప్రముఖుల పేర్లను కూడా ప్రస్తావించారు.

అర్నబ్: ది న్యూస్ ప్రాస్టిట్యూట్

ఈ విషయంపై స్పందించిన రామ్ గోపాల్ వర్మ అర్నాబ్ పై అదే తరహాలో విరుచుకు పడటం హాట్ టాపిక్ గా మారింది. అంతే కాకుండా అర్నాబ్ పై సినిమా కూడా తీయబోతున్నట్లు టైటిల్ ఎనౌన్స్ చేశారు. అర్నబ్: ది న్యూస్ ప్రాస్టిట్యూట్ అంటూ వర్మ సరికొత్తగా కాంట్రవర్సీ తో సినిమా చేయబోతున్నట్లు ఎనౌన్స్ చేయడంతో ఈ విషయం మరింత హాట్ టాపిక్ గా మారింది.

ఎందుకు బయపడుతున్నారో..

అదే విధంగా అర్నాబ్ గోస్వామి ఇష్టం వచ్చినట్లు ఇలా అరుస్తుంటే.. ఆదిత్య చోప్రా, కరణ్ జోహార్, మహేష్ భట్, షారుఖ్ ఖాన్, సల్మాన్ ఖాన్ వంటి వారు ఎందుకు బయపడుతున్నారో అర్థం కావడం లేదని వర్మ పేర్కొన్నారు. ఇతర బాలీవుడ్ స్టార్లు కూడా ఎందుకు భయపడుతున్నారో అర్థం కావడంలేదని వారు మౌనంగా ఉంటే కచ్చితంగా తప్పుచేసినట్టే అవుతుందని వర్మ వివరణ ఇచ్చారు.