Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
చిరంజీవికి గిఫ్ట్ ఇవ్వాలనే సంకల్పమే సైరా.. సో రికార్డుల సునామీ గ్యారెంటీ: సురేందర్ రెడ్డి
చిరంజీవి హీరోగా తొలితరం స్వాతంత్ర్య సమరయోధుడు ఉయ్యాలవాడ నరసింహా రెడ్డి జీవితకథ ఆధారంగా రాబోతున్న చిత్రం 'సైరా నరసింహా రెడ్డి'. ఇప్పటికే షూటింగ్ కంప్లీట్ చేసుకున్న ఈ సినిమా తెలుగుతో పాటు హిందీ, తమిళ, మళయాళ, కన్నడ భాషల్లో ప్రేక్షకుల ముందుకు రానుంది. ఈ నేపథ్యంలో సంచలనాలకు నాంది పలికేలా ఈ సినిమా ట్రైలర్ విడుదల చేశారు. అయితే ఈ మూవీ ట్రైలర్ లాంచ్లో భాగంగా మీడియా ప్రతినిథులు అడిగిన ప్రశ్నలకు ఆసక్తికర సమాధానాలు చెప్పారు డైరెక్టర్ సురేందర్ రెడ్డి.
బాహుబలి సినిమా తర్వాత ప్యాన్ ఇండియా సినిమాలకు డిమాండ్ నెలకొంది. ఇప్పుడు సైరా నరసింహారెడ్డి నుండి ఎలాంటి రికార్డులను ఆశించవచ్చు? అని ఓ మీడియా ప్రతినిథి అడిగిన ప్రశ్నకు బదులిచ్చిన సురేందర్ రెడ్డి.. సైరా చిత్రాన్ని రికార్డ్స్ కోసమో లేదంటే ఓ సినిమాను చూసో చేయలేదని, 'మా డాడీకి నేనొక పెద్ద గిఫ్ట్ ఇవ్వాలనుకుంటున్నాను. ఆయన 150 సినిమాలు చేశారు. అందులో నెంబర్ వన్ మూవీ సైరా నరసింహారెడ్డి ఉండాలని, హిస్టరీలో ఆయన పేరు ఉండిపోవాలి అనే రామ్ చరణ్ కోరికతో ఈ సినిమా చేశామని అన్నారు. ఓ మంచి ఉద్దేశంతో చిరంజీవికి గిఫ్ట్ ఇవ్వాలనే సంకల్పంతో చేసిన సినిమా కాబట్టి సైరా రికార్డులు సృష్టించడం ఖాయమని భావిస్తున్నట్లు సురేందర్ రెడ్డి పేర్కొన్నారు.
కొణిదెల ప్రొడక్షన్స్ బ్యానర్పై మెగా పవర్స్టార్ రామ్చరణ్ నిర్మాతగా 300 కోట్ల భారీ బడ్జెట్తో తెరకెక్కింది 'సైరా నరసింహా రెడ్డి' మూవీ. ఈ సినిమాకు సురేందర్ రెడ్డి దర్శకత్వం వహించారు. చిత్రంలో చిరంజీవి సరసన నయనతార హీరోయిన్గా నటించింది. అమితాబ్ బచ్చన్, తమన్నా, కుచ్చ సుదీప్, జగపతి బాబు కీలక పాత్రలు పోషించారు. అక్టోబర్ 2న భారీ అంచనాల నడుమ ఈ సినిమా ప్రేక్షకుల ముందుకు రానుంది.