twitter
    For Quick Alerts
    ALLOW NOTIFICATIONS  
    For Daily Alerts

    వెంకటేష్, నాగచైతన్యలకు ధీటుగా మాస్ మహారాజ్.. పోటీ పడి మరీ!

    |

    మామా అల్లుళ్ళు వెంకటేష్, నాగచైతన్యలకు ధీటుగా మాస్ మహారాజ్ రవితేజ దూసుకుపోతుండటం ఆసక్తి కలిగిస్తోంది. గత కొంతకాలంగా సరైన హిట్ లేక డీలాపడిన రవితేజ.. 'డిస్కోరాజా'గా ఫుల్ జోష్ ప్రదర్శిస్తున్నాడు. ఇటీవలే విడుదలైన 'డిస్కోరాజా' టీజర్ తో 'వెంకీమామ'ను ఢీ కొడుతున్నాడు.

    ఓ వైపు 'డిస్కోరాజా' టీజర్, మరోవైపు 'వెంకీమామ' ట్రైలర్ యు ట్యూబ్ లో వేగంగా వ్యూస్ రాబడుతున్నాయి. పోటాపోటీగా దూసుకెళ్తూ ట్రెండ్ అవుతున్నాయి. తాజా ట్రెండింగ్ లిస్టులో 'వెంకీమామ' ట్రైలర్ మొదటి స్థానంలో ఉండగా, 'డిస్కోరాజా' టీజర్ రెండో స్థానంలో కొనసాగుతోంది. దీంతో ఈ పోటీ వాతావరణం చూసి రవితేజ అభిమానులు ఖుషీ అవుతున్నారు. ఈ దెబ్బకు రవితేజకు పూర్వవైభవం ఖాయం అని చెప్పుకుంటున్నారు.

     Disco Raja Vs VenkyMama speed competition

    వీఐ ఆనంద్ దర్శకత్వంలో 'డిస్కోరాజా' సినిమా రూపుదిద్దుకుంటోంది. ఎస్.ఆర్.టి. ఎంటర్‌టైన్మెంట్స్ బ్యానర్‌పై తెరకెక్కుతున్న ఈ చిత్రానికి రామ్ తాళ్లూరి నిర్మాతగా వ్యవహరిస్తుండగా, థమన్ సంగీతం అందిస్తున్నారు. రవితేజ అభిమానుల టేస్ట్‌కి సరిపోయేలా ఈ సినిమా తెరకెక్కుతోంది.

    ఇప్పటికే 'డిస్కో రాజా' నుంచి విడుదలైన మొదటి పాట 'నువ్వు నాతో ఏమన్నావో' మంచి రెస్పాన్స్ తెచ్చుకుంది. సైన్స్ ఫిక్షన్ మూవీగా ప్రేక్షకుల ముందుకు రాబోతున్న ఈ సినిమాలో రవితేజ సరసన నభా నటేష్, పాయల్ రాజ్‌పుత్, ప్రియాంక జవల్కర్ హీరోయిన్లుగా నటిస్తున్నారు. వెన్నెల కిషోర్, సత్య కీలక పాత్రలు పోషిస్తున్నారు. వృద్దుడిగా, యువకుడిగా ఈ సినిమాలో రవితేజ నటన అబ్బురపరచనుందని తెలుస్తోంది. జనవరి 24వ తేదీన 'డిస్కో రాజా' విడుదల కానుంది.

    English summary
    Disco Raja Vs VenkyMama speed competition
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X