Pawan Kalyan ఫ్యాన్స్‌కు పండుగే పండుగ.. OG టీజర్ నిడివి ఎంతో తెలుసా? పవర్‌స్టార్ పాత్ర పేరుతోనే టైటిల్ ఫిక్స్!

Updated: Monday, August 28, 2023, 21:43 [IST]

పవర్‌స్టార్ పవన్ కల్యాణ్, యంగ్ డైరెక్టర్ సుజీత్ కాంబినేషన్‌లో ప్రముఖ నిర్మాత డీవీవీ దానయ్య నిర్మిస్తున్న చిత్రం OG. అయితే ఈ సినిమా కొద్ది రోజులపాటు షూటింగ్ పూర్తి చేసుకొని మీడియాలో సందడి చేసింది. సుజిత్ దర్శకత్వంలో స్టైలిష్‌గా రూపొందుతున్న ఈ సినిమాను They Calling him OG అంటూ ట్యాగ్‌లైన్‌ను ట్రెండ్ చేశారు. అయితే పవన్ కల్యాణ్ బర్త్ డే సందర్భంగా ఈ సినిమా టైటిల్ అనౌన్స్‌మెంట్, టీజర్‌ను రిలీజ్ చేస్తున్నట్టు సినిమా యూనిట్ అధికారికంగా వెల్లడించింది. ఈ సినిమా వివరాల్లోకి వెళితే..

పవర్ స్టార్ పవన్ కల్యాణ్ పుట్టిన రోజు సెప్టెంబర్ 2వ తేదీ. ఈ రోజున పవర్ స్టార్ అభిమానులకు పండుగ వాతావారణాన్ని కల్పించేందుకు OG చిత్ర యూనిట్ సిద్దమైంది. సెప్టెంబర్ 2వ తేదీన ఈ సినిమా టైటిల్‌ను కూడా ప్రకటించేందుకు రెడీ అవుతున్నట్టు సమాచారం. అలాగే టైటిల్ ప్రకటనతోపాటు టీజర్‌ను కూడా దర్శకుడు సుజిత్ రెడీ చేసినట్టు సమాచారం.

పవన్ కల్యాణ్ నటిస్తున్న OG మూవీ టీజర్ కోసం భారీ కసరత్తే జరుగుతున్నది. ఈ సినిమా టీజర్ కోసం మలయాళ, తమిళ నటుడు అర్జున్ దాస్ వాయిస్ ఓవర్ ఇస్తున్నట్టు యూనిట్ ఓ వార్తను లీక్ చేసింది. అయితే ఈ టీజర్‌లో అర్జున్ దాస్ వాయిస్ ప్రత్యేక ఆకర్షణగా మారనున్నదనేది సమాచారం.

They Calling him OG (OG) మూవీ టీజర్ నిడివి ఎక్కువగానే ఉన్నట్టు సమాచారం. ఈ సినిమా నిడివి సుమారు 72 సెకన్లు అని బయటకు ఓ వార్త పొక్కింది. ఈ టీజర్‌లో పవన్ కల్యాణ్ ఒరిజినల్ లుక్‌ను రిలీజ్ చేయనున్నారు. పవన్ కల్యాణ్ పుట్టిన రోజున అభిమానులకు ఈ విషయం మంచి పండుగలా మారడం ఖాయంగా కనిపిస్తున్నది.

అయితే OG సినిమా టైటిల్ విషయంలో రకరకాల పేర్లు బయటకు వినిపిస్తున్నాయి. ఈ సినిమాలో OG అంటే.. ఇప్పటి వరకు ఒరిజినల్ గ్యాంగ్‌స్టర్ అనే టైటిల్ ప్రచారంలో ఉంది. కానీ ఈ సినిమాలో పవన్ పాత్ర పేరు ఓజాసా గంభీర్. OG అంటే ఓజాసా గంభీర్ అనే టైటిల్‌ను ఖరారు చేసినట్టు ఓ వార్త మీడియాలో ప్రచారం అవుతున్నది.

ఇక OG మూవీకి సంబంధించిన మరో షెడ్యూల్ సెప్టెంబర్ 5వ తేదీన నుంచి ప్రారంభం కానున్నది. ఈ సినిమాను ఎన్నికలకు ముందు గానీ.. ఎన్నికల తర్వాత గానీ రిలీజ్ చేయాలని ప్లాన్ చేస్తున్నారు. అనుకొన్నది అనుకొన్నట్టు జరిగితే ఈ సినిమా సంక్రాంతి రేసులో దిగనున్నది. జూన్ 12న గానీ, 13వ తేదీన గానీ ప్రేక్షకుల ముందుకు వచ్చే అవకాశం ఉంది.

More from Filmibeat