బాహుబలిగా మారిన ట్రంప్.. నేనూ అందుకోసం ఎదురుచూస్తున్నా.. అధ్యక్షుడి ట్వీట్

బాహుబలి ప్రభంజనం..

బాహుబలి సినిమా సృష్టించిన ప్రభంజనం.. అది ప్రేక్షకులపై చూపెట్టిన ప్రభావం ఇన్ని రోజులైనా ఏ మాత్రం తగ్గలేదు. సాహో రే బాహుబలి పాటలోని ప్రభాస్‌ను డోనాల్డ్ ట్రంప్‌గా చిత్రీకరించి చేసిన ఓ వీడియో విపరీతంగా వైరల్ అయింది. చివరకు తిరిగితిరిగి ఆ వీడియో అధ్యక్షుడి కంట్లో పడింది.

ట్రంప్ రాకను ఇలా..

భారత దేశాన్ని దర్శించేందుకు వస్తున్న ట్రంప్ రాక సందర్భంగా.. నా మనసులో ఎలాంటి వచ్చిన ఆలోచనలను ఈ వీడియో రూపంలో తీసుకొచ్చాను.. ఇండియా-అమెరికా ఐకమత్యంగా ఉండాలి అంటూ బాహుబలిగా డోనాల్డ్ ట్రంప్‌ను చూపెట్టాడు.

ట్వీట్ చేసిన డోనాల్డ్ ట్రంప్..

ఈ వీడియోను చూసిన డోనాల్డ్ ట్రంప్ తెగ ముచ్చట పడ్టట్లు తెలుస్తోంది. భారతదేశంలో ఉన్న నా స్నేహితులను కలుసుకునేందుకు నేను ఎదురుచూస్తున్నాను అంటూ ఓ ట్వీట్ చేశాడు. మొత్తానికి ఇలా బాహుబలి మరోసారి అందరి నోళ్లలో నానుతోంది.

నిన్ననే ఇంకో ట్వీట్..

స్వలింగ సంపర్క కథాంశంతో వచ్చిన శుభ్‌మంగళ్ జ్యాదా సావధాన్ చిత్రం గురించి తాత్చేల్ (ఎల్‌జీబీటీ హక్కుల కోసం పోరాడే వ్యక్తి) ఓ ట్వీట్ చేశాడు. ఈ ట్వీట్‌కు ట్రంప్ స్పందిస్తూ.. గ్రేట్ అంటూ మన చిత్రాన్ని పొగిడేశాడు.