Don't Miss!
- Finance Adani News: గౌతమ్ అదానీ తిరిగొచ్చిన మంచిరోజులు.. ఆ 5 కంపెనీల్లో సంచలనం..
- Technology OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- News కాంగ్రెస్లో బీఆర్ఎస్ ఎమ్మెల్యే: రేవంత్తో భేటీ: గ్రేటర్ హైదరాబాద్లో భారీ షాక్
- Lifestyle డిఫరెంట్ స్టైల్ లో నోనూరించే మటన్ రోస్ట్
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- Sports వరుస పరాజయాల వేళ.. ఆర్సీబీ, కోహ్లీ ఫ్యాన్స్కు గుడ్ న్యూస్
‘టక్ జగదీష్’ నుంచి అదిరిపోయే అప్డేట్: సినిమాలో హైలైట్ అదే.. నాని అలా మరోసారి
నేచురల్ యాక్టింగ్తో ఎంతో మంది అభిమానులను సంపాదించుకోవడంతో పాటు భారీ విజయాలను తన ఖాతాలో వేసుకుని స్టార్గా ఎదిగిపోయాడు హీరో నాని. స్వయంకృషితో సినిమాల్లోకి ఎంట్రీ ఇచ్చిన అతడు.. తక్కువ సమయంలోనే మంచి పేరును సంపాదించుకున్నాడు. అదే సమయంలో వరుస సినిమాలతో సత్తా చాటుతున్నాడు. ఈ క్రమంలోనే ప్రస్తుతం అతడు 'టక్ జగదీష్' అనే మూవీతో ప్రేక్షకుల ముందుకు వచ్చేందుకు సిద్ధంగా ఉన్నాడు. ఇలాంటి సమయంలో ఈ చిత్రం గురించి ఓ ఆసక్తికరమైన వార్త తాజాగా ఫిలిం నగర్ ఏరియాలో తెగ చక్కర్లు కొడుతోంది.
ప్యూర్ లవ్ అండ్ ఎమోషనల్ కంటెంట్తో వచ్చిన 'నిన్ను కోరి' ఎంతటి హిట్ అయిందో ప్రత్యేకంగా చెప్పనక్కర్లేదు. దీని తర్వాత శివ నిర్వాణ - నాని కాంబినేషన్లో వస్తున్న చిత్రమే 'టక్ జగదీష్'. ఫుల్ లెంగ్త్ ఫ్యామిలీ ఎంటర్టైనర్గా రూపొందిన ఈ సినిమా నుంచి వచ్చిన టీజర్, పాటలు ఎంతగానో ఆకట్టకున్నాయి. ఇక, తాజా సమాచారం ప్రకారం.. ఇందులో ఎమోషనల్ సీన్స్ హైలైట్గా ఉంటాయట. ఇప్పటి వరకూ తెలుగు సినిమాల్లో లేని విధంగా ప్రేక్షకులను సీట్లకు కట్టి పడేస్తాయని అంటున్నారు. మరీ ముఖ్యంగా క్లైమాక్స్ సీన్ వేరే లెవెల్లో ఉంటుందని తెలుస్తోంది.
ఎమోషనల్ సీన్స్ అంటే జీవించే నాని.. 'టక్ జగదీష్' సినిమాకు ప్రధాన ఆకర్షణగా నిలవనున్నాడని అంటున్నారు. కొన్ని సన్నివేశాల్లో హావభావాలతోనే ప్రేక్షకులను ఏడిపిస్తాడనే టాక్ వినిపిస్తోంది. దీంతో ఈ సినిమాపై అంచనాలు భారీగా పెరిగిపోతున్నాయి. ఇక, ఈ సినిమాను షైస్ స్క్రీన్స్ బ్యానర్పై సాహు గారపాటి, పెద్ది హరీష్ నిర్మిస్తున్నారు. ఈ సినిమాలో టాలెంటెడ్ హీరోయిన్లు ఐశ్వర్య రాజేష్, రీతూ వర్మ నటిస్తున్నారు. ఎంతో ప్రతిష్టాత్మకంగా రూపొందిన ఈ చిత్రం ఏప్రిల్ 23న ప్రేక్షకుల ముందుకు రాబోతుంది.