ఎంత మంచివాడవురా! ట్విట్టర్ రివ్యూ: సినిమా ఎలా ఉందంటే..

Published: Wednesday, January 15, 2020, 7:27 [IST]

నందమూరి కళ్యాణ్ రామ్ హీరోగా తెరకెక్కిన తాజా సినిమా 'ఎంత మంచివాడవురా!'. ఉమేష్ గుప్త సమర్పణలో రూపొందిన ఈ చిత్రానికి సతీష్ వేగేశ్న దర్శకత్వం వహించారు. సంక్రాంతి కానుకగా జనవరి 15న (ఈ రోజు) ఈ సినిమా ప్రేక్షకుల ముందుకు వచ్చింది. ఈ సందర్బంగా గత రాత్రి ఓవర్సీస్‌‌లో ప్రీమియర్స్ పడ్డాయి. ఆ ప్రీమియర్స్ చూసిన ఆడియన్స్ ట్విట్టర్ వేదికగా సినిమాపై తమ అభిప్రాయలు తెలిపారు. ఆ వివరాలు చూద్దామా..

దుబాయ్ ప్రీమియర్స్ టాక్

దేశ విదేశాల్లో భారీ అంచనాల నడుమ విడుదలైన ఈ సినిమాకు దుబాయ్ ప్రీమియర్స్ నుంచి బ్లాక్‌బస్టర్ టాక్ వచ్చింది. కాంగ్రాచులేషన్స్ కళ్యాణ్ రామ్ అన్న.. అని ఓ నెటిజన్ ట్వీట్ పెట్టాడు.

యూఎస్ఏ ప్రీమియర్స్ టాక్

యూఎస్ఏ మార్కెట్‌లో నందమూరి మంచి డిమాండ్ ఉంటుంది. ఈ నేపథ్యంలో సంక్రాంతి బరిలో నిలిచిన ఎంత మంచివాడవురా! మూవీకి యూఎస్ఏ ప్రీమియర్స్ నుంచి బ్లాక్‌బస్టర్ రిపోర్ట్స్ అందాయని మరో నెటిజన్ ట్వీట్ పెట్టాడు.