సింగర్‌ సునీత‌పై అసత్య కథనాలు.. మంత్రి కేటీఆర్‌కు ఫిర్యాదు

తెలుగు రాష్ట్రాల్లో కరోనావైరస్ భయాలు

తెలుగు రాష్ట్రాల్లో ప్రస్తుతం కరోనావైరస్ భయాందోళనలు వ్యక్తమవుతున్నాయి. ఈ వ్యాధి ఇంకా ప్రబలకుండా ప్రజలను వీధుల్లోకి రాకుండా కట్టడి చేస్తున్నారు. వ్యాధిని అరికట్టేందుకు తీవ్ర ప్రయత్నాలను అధికారులు, పోలీస్ శాఖ చేస్తున్నది. ఈ మేరకు మార్చి 31వ తారీఖు వరకు ప్రభుత్వం లాక్‌డౌన్ ప్రకటించింది.

సింగర్ సునీత ఫోటోపెట్టి

ఇలాంటి కఠిన పరిస్థితుల్లో సింగర్ సునీతకు కరోనా వ్యాధి సోకిందంటూ వార్తలు వచ్చాయి. సునీత ఫోటోను బ్లర్ చేసి అసత్య కథనాన్ని ప్రచురించారు. ఈ విషయం సింగర్ సునీత దృష్టికి రావడంతో తీవ్రంగా స్పందించారు. తన ప్రతిష్టకు భంగం కలిగే విధంగా వ్యవహరించిన సోషల్ మీడియా అకౌంట్‌పై చర్యలు తీసుకోవాలని మంత్రి కేటీఆర్‌కు ట్విట్టర్‌లో ఫిర్యాదు చేశారు.

ఆ వార్తకు సంబంధం లేకున్నా..

చందమామ కథలు ఫేస్‌బుక్ పేజ్ నా ఫోటోను థంబ్ నైల్‌గా పెట్టి ఓ వార్తను పోస్టు చేశారు. వాస్తవానికి ఆ వార్తకు నాకు ఎలాంటి సంబంధం లేదు. సింగర్ కనికాకు కరోనా వార్త అయితే నా ఫోటోను పెట్టారు. ఇది చాలా దారుణం. ఇలా మరొకరికి జరుగకుండా అధికారులు చర్యలు తీసుకోవాలని ట్విట్టర్‌లో స్పందించారు.

Recommended Video

Ghantasala Biography || ఘంటసాల సినీ జీవిత విశేషాలు

నా ఆరోగ్యం బాగానే ఉంది

నా ఆరోగ్యం బాగానే ఉంది. నాకు ఎలాంటి వ్యాధి సోకలేదు అంటూ మంత్రి కేటీఆర్‌కు సునీత ఆ వార్తను ట్యాగ్ చేస్తూ తనకు న్యాయం చేయాలని కోరారు. తెలంగాణ ప్రభుత్వం, తెలంగాణ సీఎంకు, ఇతర అకౌంట్లకు ట్యాగ్ చేశారు. కేటీఆర్ సార్. ప్లీజ్ హెల్ప్ మీ అంటూ సునీత అభ్యర్థించారు.