Don't Miss!
- Sports RR vs DC: అందుకే పృథ్వీ షాను తీసుకోలేదు: రిషభ్ పంత్
- News హీరోయిన్ నిధి అగర్వాల్ చేతుల మీదగా గ్రాండ్గా రీలాంచ్ అయిన CMR షాపింగ్ మాల్
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
అబ్బూరి రవికి విషాదం.. తల్లి మరణంతో పుట్టెడు దు:ఖంలో..
వర్థమాన సినీ రచయిత అబ్బూరి రవి విషాదంలో మునిగిపోయారు. ఆయన మాతృమూర్తి లలిత (73) బుధవారం సాయంత్రం తుదిశ్వాస విడిచారు. గత కొద్దికాలంగా వృద్దాప్య సంబంధిత వ్యాధులతో బాధపడుతున్న ఆమె చికిత్స పొందుతూ మరణించారు. తల్లి మరణంతో పుట్టెడు దు:ఖంలో ఉన్న అబ్బూరి రవిని సినీ ప్రముఖులు ఫోన్లో పరామర్శించారు. లలిత గారు ఏ లోకాన ఉన్నా ఆమెకు శాంతి చేకూరాలని, అబ్బూరి రవి కుటుంబానికి మనోధైర్యం ఇవ్వాలని భగవంతుడిని ప్రార్థిస్తున్నామని పలువురు తమ సంతాప ప్రకటనలో వెల్లడించారు.
కొద్ది రోజులుగా అనారోగ్యంతో బాధపడుతున్నారు. బుధవారం రాత్రి గుండెపోటు రావడంతో ఆమె తుదిశ్వాస విడిచారు. గురువారం ఉదయం హైదరాబాద్ ఫిల్మ్ నగర్లోని మహాప్రస్థానం శ్మశాన వాటికలో అంత్యక్రియలు నిర్వహించారు. లలిత గారికి నలుగురు కుమారులు. నలుగురిలో అబ్బూరి రవి ఆఖరి సంతానం.
అబ్బూరి రవి కెరీర్ విషయానికి వస్తే.. తెలుగు సినీ చిత్ర పరిశ్రమలో మంచి అభిరుచి గల రచయితగా పేరు తెచ్చుకొన్నారు. ఎలా చెప్పను సినిమాతో సినీ రంగంలోకి ప్రవేశించిన ఆయన బొమ్మరిల్లు, భగీరథ, అన్నవరం, డాన్, కొంచె ఇష్టం కొంచెం కష్టం, కిక్, గణేష్, ఎవడు, పంజా లాంటి చిత్రాలకు కథా, మాటల్లో భాగం పంచుకొన్నారు.
ఇటీవల ఆయన రాసిన చిత్రాలు ఎక్కడికి పోతావు చిన్నదాన, ఎవరు, గూఢచారి, డిస్కోరాజా చిత్రాలకు సినీ విమర్శకుల నుంచి మంచి ప్రశంసలు లభించాయి.