ఆయనకు 56 ఇంచులు.. మావోడికి 62 అంగుళాల ఛాతీ.. బాలీవుడ్ హీరోపై దారుణంగా ట్రోలింగ్

అప్పుడు నా తండ్రి.. ఇప్పుడు నేను

సన్నిడీయోల్ బీజేపీలో చేరిన తర్వాత మీడియాతో మాట్లాడుతూ.. అటల్ బీహారి వాజ్ పేయ్ నేతృత్వంలో నా తండ్రి ధర్మేంద్ర చేరారు. ఇప్పుడు మోడీ నాయకత్వంలో నేను చేరుతున్నాను. మరో ఐదేళ్లు ప్రధానిగా మోదీ ఉండాలని కోరుకొంటున్నాను. ప్రధాని మోదీ దేశానికి ఎంతో సేవ చేశారు అని అన్నారు.

కలలో కూడా ఊహించలేదు

రాజకీయాల్లోకి వస్తానని కలలో కూడా ఊహించలేదు. సేవ చేయడమే నా వృత్తి అయితే నేను ఎలాంటి సేవకైనా సిద్ధం. మరోకటి చేసే బదులు ప్రజలకు మేలు చేసే పనిచేయడమే ధర్మం. మంచి వాళ్లు రాజకీయాల్లోకి రావాల్సిన అవసరం ఎంతైనా ఉంది అని సన్నీడియోల్ అన్నారు.

మా వాడికి 62 అంగుళాల ఛాతీ అని

సన్నీ డియోల్ బీజేపీలో చేరడంపై గదర్ దర్శకుడు అనిల్ శర్మ సానుకూలంగా స్పందించారు. కాషాయ పార్టీలో చేరిన హీరోకు అభినందనలు తెలిపారు. ప్రధాని నరేంద్రమోదీకి 56 అంగుళాల ఛాతీ ఉంది. ఇప్పుడు మా హీరోకు 62 అంగుళాల ఛాతీ ఉంది. ఇద్దరు కలిస్తే ఇంకేముంది. నా ఫేవరేట్ యాక్టర్‌కు కంగ్రాట్స్ అని అనిల్ శర్మ ట్వీట్ చేశారు.

సోషల్ మీడియాలో దారుణంగా ట్రోలింగ్

సన్నీ డియోల్ బీజేపీలో చేరడంపై నటి కోయినా మిత్రా స్పందిస్తూ.. కాస్త జాగ్రత్తగా ఉండు అని ట్వీట్ చేశారు. ఇక ముందు సన్నిడియోల్ సర్జికల్ స్ట్రయిక్స్ ఈయనే చేస్తారా? అని మరో నెటిజన్ కామెంట్ చేశారు. ఇక ముందు సన్నిడియోల్ గ్రౌండ్ వాటర్ మినిస్టర్‌ అవుతాడా అని నెటిజన్లు ట్రోల్ చేస్తున్నారు.