హోమ్

లేటేస్ట్ న్యూస్

బిగ్ బాస్ ఇంట్లో ఉన్న సింగర్ గీతా మాధురి తన భర్త నందు హీరోగా నటించిన 'ఎందుకో ఏమో' సినిమా రిలీజ్ మిస్సవ్వబోతోంది. ఆమె ఇంటి నుండి బయటకు రాకముందే ఈ చిత్రం థియేటర్లలోకి రాబోతోంది.

మహేశ్వర క్రియేషన్స్‌ పతాకంపై నందు, నోయల్‌, పునర్నవి భూపాలం హీరో హీరోయిన్లుగా కోటి వద్దినేని దర్శకత్వంలో మాలతి వద్దినేని నిర్మిస్తోన్న చిత్రం 'ఎందుకో ఏమో'. ఈ చిత్రం సెప్టెంబర్‌ 12న వినాయక చవితి సందర్భంగా విడుదలవుతుంది.

ఇదొక ట్రయాంగిల్‌ వ్‌స్టోరి. ఫ్యామిలీ, యూత్‌ కి నచ్చే విధంగా సినిమా తెరకెక్కించామని దర్శకుడు కోటి వద్దినేని తెలిపారు. నందు, నోయల్‌,పునర్నవి పోటా పోటీగా నటించారని, క్లైమాక్స్‌ సినిమాకు హైలైట్‌గా ఉంటుందన్నారు.

నిర్మాత మాలతి వద్దినేని మాట్లాడుతూ...''నిజాయితీగా చేసిన ప్రయత్నమిది. మంచి కాన్సెప్ట్స్‌తో వచ్చే చిత్రా లను ప్రేక్షకులు ఆదరిస్తున్నారు. అలా మంచి కాన్సెప్ట్‌తో వచ్చే సినిమా ఇది . మా యూనిట్‌ అంతా పూర్తి సహాయ సహకారాలు అందించడంతో సినిమాను అనుకున్నవిధంగా పూర్తి చేయగలిగామని తెలిపారు.

నందు, నోయల్‌, పునర్నవి, పోసాని, సూర్య, సుడిగాలి సుధీర్‌, నవీన్‌, రాకెట్‌ రాఘవ తదితరులు నటిస్తున్న ఈ చిత్రానికి సంగీతంఃప్రవీణ్‌, కెమెరా: జియస్‌ రాజ్‌, ఎడిటింగ్‌: మధు, ఆర్ట్‌: వర్మ, ఫైట్స్‌: డ్రాగన్‌ ప్రకాష్‌, నిర్మాత: మాలతి వద్దినేని, కథ-స్క్రీన్‌ ప్లే-దర్శకత్వం: కోటి వద్దినేని.