Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘క్రాక్’ తర్వాత నందమూరి బాలకృష్ణతో సినిమా: క్లారిటీ ఇచ్చిన గోపీచంద్ మలినేని
'డాన్ శ్రీను', 'బలుపు' వంటి సూపర్ డూపర్ హిట్ల తర్వాత మాస్ మహారాజా రవితేజ - యంగ్ డైరెక్టర్ గోపీచంద్ మలినేని కాంబినేషన్లో వచ్చిన చిత్రం 'క్రాక్'. ఈ సంక్రాంతి కానుకగా విడుదలైన ఈ సినిమా భారీ విజయాన్ని అందుకుంది. అంతేకాదు, కలెక్షన్ల పరంగానూ దుమ్ము దులిపేసింది. దీంతో నాలుగు రోజుల్లోనే బ్రేక్ ఈవెన్ను దాటేసి లాభాల బాటలో పయనించింది. ఇప్పటి వరకు దాదాపు రూ. పది కోట్లకు పైగా ఆదాయాన్ని అందుకున్న ఈ చిత్రం.. చాలా ప్రాంతాల్లో హౌస్ఫుల్ షోలతో సత్తా చాటుతోంది. దీంతో ఈ మూవీ డైరెక్టర్కు భారీ డిమాండ్ ఏర్పడింది.
'క్రాక్'తో భారీ హిట్ను తన ఖాతాలో వేసుకున్న గోపీచంద్ మలినేని టాలీవుడ్లో హాట్ టాపిక్ అవుతున్నాడు. ఆ సినిమాలో హీరో రవితేజను ఆయన చూపించిన విధానానికి ప్రేక్షకులతో పాటు చాలా మంది హీరోలు కూడా ఫిదా అయిపోయారు. ఈ కారణంగానే అతడితో సినిమా చేసేందుకు తెలుగులోని చాలా మంది హీరోలు పోటీ పడుతున్నట్లు జోరుగా ప్రచారం జరుగుతోంది. ఇలాంటి పరిస్థితుల్లో ఈ ఎనర్జిటిక్ డైరెక్టర్ నటసింహా నందమూరి బాలకృష్ణతో ఓ పవర్ఫుల్ మూవీ చేయబోతున్నాడని కొద్ది రోజులుగా ఓ న్యూస్ ఫిలిం నగర్ ఏరియాలో చక్కర్లు కొడుతోంది.
తాజాగా గోపీచంద్ మలినేని ఓ యూట్యూబ్ ఛానెల్కు ఇంటర్వ్యూ ఇచ్చారు. ఈ సందర్భంగా తన ఫ్యూచర్ ప్రాజెక్టులతో పాటు నందమూరి బాలకృష్ణ సినిమా ఉంటుందా ఉండదా అన్న దానిపైనా వివరణ ఇచ్చారు. 'గత పదేళ్లలో నేను చాలా తక్కువ సినిమాలే చేశాను. కానీ, రాబోయే పదేళ్లలో పాటు రెట్టింపు సినిమాలు చేయబోతున్నా. ఇక, బాలయ్యతో సినిమా ఉంటుందా అంటే ఇప్పుడే చెప్పలేను. దానికి సంబంధించిన చర్చలు జరుగుతున్నాయి. మైత్రీ మూవీ మేకర్స్ సంస్థ నిర్మాణంలో ఈ సినిమా ఉండే ఛాన్స్ ఉంది' అంటూ గోపీచంద్ చెప్పుకొచ్చాడు. దీంతో నందమూరి అభిమానులు ఫుల్ ఖుషీ అవుతున్నారు.