హోమ్

లేటేస్ట్ న్యూస్

తెలుగు నటుడు గోపీచంద్ త్వరలో 'చాణక్య' మూవీ ద్వారా ప్రేక్షకుల ముందుకు రాబోతున్నాడు. ఇటీవలే ఈ చిత్రానికి సంబంధించి టైటిల్ ప్రకటించగా నేడు (జూన్ 12) హీరో పుట్టినరోజు సందర్భంగా చిత్ర బృందం ఫస్ట్ లుక్ పోస్టర్ విడుదల చేసింది. భారీగా గడ్డం పెంచేసిన సీరియస్ లుక్‌లో గోపీచంద్ దర్శనమిచ్చారు.

ఎ.కె.ఎంట‌ర్‌టైన్‌మెంట్స్ బ్యాన‌ర్‌పై రామ‌బ్ర‌హ్మం సుంక‌ర ఈ చిత్రాన్ని నిర్మిస్తున్నారు. స్పై థ్రిల్ల‌ర్ కాన్సెప్టుతో రూపొందుతున్నట్లు ఈ చిత్రానికి తమిళ డైరెక్టర్ తిరు దర్శకత్వం వహిస్తున్నారు. గోపీచంద్ సరసన మెహ్రీన్ హీరోయిన్‌గా నటిస్తోంది.

ద‌ర్శ‌కుడు తిరు.. గోపీచంద్‌ను స‌రికొత్త పంథాలో చూపిస్తూ ఈ చిత్రాన్ని తెరకెక్కిస్తున్నారని, సినిమాలోని ట్విస్టులు ప్రేక్షకులను ఉత్కంఠకు గురి చేసే విధంగా ఉంటాయని, ఆద్యంతం సినిమా ప్రేక్షకులకు సరికొత్త అనుభూతి పంచే విధంగా ఉంటుందని నిర్మాతలు వెల్లడించారు. ఇందులో మెహ్రీన్‌తో పాటు బాలీవుడ్ బ్యూటీ జ‌రీనా ఖాన్ కీల‌క పాత్ర‌లో న‌టిస్తున్నారు.

ఇప్పటికే 50 శాతానికి పైగా చిత్రీక‌ర‌ణ‌ పూర్తయింది. తాజా షెడ్యూల్ హైద‌రాబాద్‌లో వేగంగా జరుగుతోంది. విశాల్ చంద్ర శేఖ‌ర్ సంగీతం అందిస్తుండగా వెట్రి సినిమాటోగ్ర‌ఫీ అందిస్తున్నారు. బ్యాన‌ర్‌: ఎ.కె.ఎంట‌ర్‌టైన్‌మెంట్స్‌, నిర్మాత‌: రామ‌బ్ర‌హ్మం సుంక‌ర‌, ఎగ్జిక్యూటివ్ ప్రొడ్యూస‌ర్‌: కిషోర్ గ‌రిక‌పాటి, ఎగ్జిక్యూటివ్ ప్రొడ్యూస‌ర్‌: కిషోర్ గ‌రిక‌పాటి, కో ప్రొడ్యూస‌ర్స్‌: అజ‌య్ సుంక‌ర‌, అభిషేక్ అగ‌ర్వాల్‌, మాట‌లు: అబ్బూరి ర‌వి, ఆర్ట్‌: ర‌మ‌ణ వంకా, కోడైరెక్ట‌ర్‌: దాసం సాయి, రాజ్‌మోహ‌న్‌, క‌థ‌, స్క్రీన్ ప్లే, ద‌ర్శ‌క‌త్వం: తిరు