Don't Miss!
- Sports T20 World Cup: రింకూకు షాక్ ఇచ్చిన బీసీసీఐ.. అతని కోసమే వేటు?
- News కాకినాడలో పవన్ పై జగన్ విమర్శల్లో తడబాటు..! పాలకొల్లులో పోటీ, నాలుగో సీటు...
- Technology ధర రూ.10 వేల లోపే, 108MP కెమెరాతో కొత్త ఫోన్! లాంచ్, సేల్ వివరాలు
- Finance Mutual Funds: ఆ కంపెనీల్లో వాటాను పెంచుకున్న మ్యూచువల్ ఫండ్స్..
- Travel శ్రీవారి భక్తులకు శుభవార్త.. ఐఆర్సిటిసి తిరుమల టూర్ ప్యాకేజీ...
- Automobiles కనీవినీ ఎరుగని డిస్కౌంట్స్!.. హ్యుందాయ్ కారు కొనటానికి ఇదే మంచి సమయం
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
ప్రమోషన్ షురూ చేసిన గోపీచంద్: ‘సీటీమార్’ నుంచి అదిరిపోయే సర్ప్రైజ్
విలన్గా కెరీర్ను ఆరంభించి.. హీరోగా సెటిల్ అయిపోయాడు టాలెంటెడ్ హీరో గోపీచంద్. కెరీర్ ఆరంభంలోనే భారీ విజయాలను అందుకున్న అతడు.. పక్కా కమర్షియల్ హీరోగా మంచి పేరును సంపాదించుకున్నాడు. అదే సమయంలో పరాజయాలనూ అందుకున్నాడు. 'లౌక్యం' తర్వాత ఆ రేంజ్ హిట్ కోసం అన్వేషిస్తోన్న ఈ హీరో.. వరుసగా సినిమాలు చేసుకుంటూ వెళ్తున్నాడు. ఇందులో భాగంగానే ప్రస్తుతం 'సీటీమార్' అనే సినిమాలో నటిస్తున్నాడు. త్వరలోనే విడుదల కానున్న ఈ సినిమా ప్రమోషన్ కార్యక్రమాలకు చిత్ర యూనిట్ శ్రీకారం చుట్టింది.
సంపత్ నంది దర్శకత్వంలో గోపీచంద్ నటిస్తోన్న చిత్రమే 'సీటీమార్'. ఏప్రిల్ 2న ఈ చిత్రం ప్రేక్షకుల ముందుకు రాబోతుంది. ఈ నేపథ్యంలో సినిమాకు సంబంధించిన టీజర్ను కొద్ది రోజుల క్రితం వదిలారు. పవర్ఫుల్ యాక్షన్తో వచ్చిన దానికి ప్రేక్షకుల నుంచి అనూహ్యమైన స్పందన వచ్చింది. అలాగే, రికార్డు స్థాయిలో వ్యూస్ కూడా వచ్చాయి. ఈ క్రమంలోనే ఈ చిత్రం నుంచి టైటిల్ సాంగ్ను విడుదల చేయబోతున్నారు. ఈ మేరకు తాజాగా ఓ పోస్టర్ను విడుదల చేసిన చిత్ర యూనిట్.. మార్చి 3వ తేదీ ఉదయం 9.46 గంటలకు టైటిల్ ట్రాక్ను రిలీజ్ చేస్తున్నట్లు అందులో ప్రకటించింది.
గోపీచంద్ కెరీర్లోనే ఎంతో ప్రతిష్టాత్మకంగా రూపొందిన ఈ సినిమాను పవన్ కుమార్ సమర్పణలో శ్రీనివాస చిత్తూరి నిర్మిస్తున్నారు. మిల్కీ బ్యూటీ తమన్నా భాటియా హీరోయిన్గా చేస్తోంది. భూమిక చావ్లా కీలక పాత్రను పోషిస్తోంది. అలాగే, ఇందులో అప్సరా రాణి ఓ స్పెషల్ సాంగ్ను చేసింది. వీళ్లతో పాటు రావు రమేష్, తరుణ్ అరోరా, వెన్నెల కిశోర్ తదితరులు కీలక పాత్రలను పోషిస్తున్నారు. మణిశర్మ సంగీతం అందిస్తున్నాడు. ఇక, ఈ మూవీలో గోపీచంద్ కబడ్డీ టీమ్ కోచ్గా నటిస్తున్న విషయం తెలిసిందే.