Prashanth Varma: రాజమౌళి వల్లే ఆ సినిమా క్యాన్సిల్... హనుమాన్ దర్శకుడు ప్రశాంత్ వర్మ సంచలనం

ప్రశాంత్ వర్మ డైరక్షన్​లో తేజ సజ్జా హీరోగా తెరకెక్కిన చిత్రం హనుమాన్. సంక్రాంతి కానుకగా ఈ సినిమా జనవరి 12వ తేదీన వివిధ భాషల్లో ప్రపంచవ్యాప్తంగా విడుదల అవుతుంది. గుంటూరు కారం, సైంధవ్, నా సామి రంగా వంటి సినిమాలకు పోటీగా ప్రేక్షకుల ముందుకు రాబోతుంది. ఈ నేపథ్యంలో సినిమాను వీలైనంత ఎక్కువగా ప్రమోట్ చేస్తుంది చిత్రబృందం.

పలు ఇంటర్వ్యూలు, షోలు చేస్తూ సినిమాను ప్రేక్షకుల్లో తీసుకెళ్లేందుకు చూస్తుంది. ఇలా ఓ ఇంటర్వ్యూకి వెళ్లిన ప్రశాంత్ వర్మ రాజమౌళిపై సెన్సేషనల్ కామెంట్స్ చేశాడు. హనుమాన్ సినిమా ప్రమోషన్​లో భాగంగా వెళ్లిన ప్రశాంత్ వర్మ తనకు మహాభారతం సినిమా తీయాలని ఉంది అంటూ మనసులో మాట బయటపెట్టాడు. ఈ సినిమానే కనుక తాను తీస్తే ఏ క్యారెక్టర్​కి ఎవరిని క్యాస్ట్ చేస్తాడో కూడా చెప్పాశాడు. మెగాస్టార్​ చిరంజీవి ధర్మరాజు పాత్రకు.. రామ్​ చరణ్​ను అర్జునుడిగా తీసుకుంటానని తెలిపాడు.

ఎన్టీఆర్​ని భీముడిగా, సహదేవుడిగా విజయ దేవరకొండను, నకులుడిగా నానిని, కృష్ణుడిగా మహేశ్ బాబు, దుర్యోధనుడిగా మోహన్ బాబు.. కర్ణుడిగా పవన్​ కళ్యాణ్​ను తీసుకుంటానని తెలిపాడు. కర్ణుడిగా పవన కళాణ్యే ఎందుకని యాంకర్ అడిగిన ప్రశ్నకు మహాభారతంలో అందరూ కర్ణుడిని ఇబ్బంది పెడతారు.. కానీ దానిని అతను ఓర్పుగా ఎదుర్కొంటాడు.. ఆ పాత్రకు పవన్ కళ్యాణే బెటర్​గా సూట్​ అవుతారు అంటూ తన మసనులో మాట చెప్పాడు. అయితే ద్రౌపది పాత్రకు నయన తారను క్యాస్ట్ చేస్తాను అని తెలిపాడు.

తెలుగులో దర్శక దిగ్గజుడు ఎస్ ఎస్ రాజమౌళి మహాభారతాన్ని తీస్తానని ఇప్పటికే ప్రకటించాడు. ఈ నేపథ్యంలోనే మహాభారతాన్ని తీసే ఆలోచనను తాను విరమించుకున్నాడట ప్రశాంత్ వర్మ. జక్కన్న సినిమా చెక్కితే ఎలా ఉంటుందో ఇప్పటికే అందరికీ అర్థమైపోయింది. అలాంటి మహాభారతాన్ని ఆయన తెరకెక్కిస్తున్నాడంటే.. ఎవరైనా కాస్త జంకుతారు. ఈ యువ డైరక్టర్​ కూడా అందుకే వెనకడుగు వేస్తున్నట్లు తెలుస్తుంది. రాజమౌళి ఈ సినిమా ఎప్పుడూ ప్రారంభిస్తారనే దానిపై ఇప్పటికీ క్లారిటీ లేదు.

ప్రస్తుతం ఆయన మహేశ్ బాబు సినిమా ప్రాజెక్ట్​లో బిజీగా ఉన్నాడు. రాజమౌళి సినిమా అంటే మినిమం రెండు, మూడు ఏళ్లు పట్టేస్తుందని ప్రతి ఒక్కరికి తెలుసు. మాములు కథనే ఓ రేంజ్​లో ఎలివేట్ చేసి తీస్తాడు జక్కన్న. అలాంటిది మహాభారతాన్ని ఏ రేంజ్​లో చెక్కుతాడో.. ప్రజల ముందుకు ఎన్నాళ్లకు తీసుకొస్తాడో చూడాలి. ఈ సినిమా కోసం ఆయన ఎవరిని నటీనటులుగా సెలక్ట్ చేస్తాడో అనేదానిపై కూడా సినీ ప్రేక్షకులు ఆసక్తిగా ఎదురు చూస్తున్నారు.

అయితే విజువల్ వండర్​గా మహాభారతాన్ని తెరకెక్కించాలంటే కనీసం 10 పార్ట్స్ ఐనా పడుతుందని ఒక్కో పార్ట్​కి నాలుగేళ్లు పడుతుందని అప్పట్లో సంచలన వ్యాఖ్యలు చేశాడు. మహాభారతం మానియా కేవలం తెలుగులోనే కాదు హిందీలో కూడా అదే రేంజ్​లో ఉంది. బాలీవుడ్​లో ఇప్పటికే వివేక్ అగ్నిహోత్రి పర్వ అనే టైటిల్​తో మహాభారతాన్ని తెరకెక్కిస్తున్నట్లు ప్రకటించారు. టాలీవుడ్ టాప్ ప్రొడ్యూసర్ అల్లు అరవింద్ కూడా మహాభారతాన్ని భారీ బడ్జెట్​తో తెరకెక్కించాలని ప్లాన్​లో ఎప్పటినుంచో ఉన్నాడు. అయితే దీనిని సినిమాలా కాకుండా వెబ్​ సిరీస్​ రూపంలో ప్రేక్షకుల ముందుకు తీసుకొచ్చే ప్రయత్నం చేస్తున్నాడు.