హోమ్

లేటేస్ట్ న్యూస్

రెండు రోజుల క్రితం కారు ప్రమాద ఘటనలో సినీ హీరో రాజ్ తరుణ్‌ను హైదరాబాద్ ట్రాఫిక్ పోలీసులు అరెస్ట్ చేయడం సంచలనంగా మారింది. రాజ్ తరుణ్ అరెస్ట్ వార్తను మాదాపూర్ ట్రాఫిక్ డీఎస్పీ ధృవీకరించారు. ఈ కేసులో 41 సీఆర్‌పీసీ కింద నోటీసులు ఇచ్చామని ఓ ప్రశ్నకు సమాధానం ఇచ్చారు.

కారు ప్రమాద ఘటనపై రాజ్ తరుణ్‌ నుంచి స్టేట్‌మెంట్ రికార్డు చేశాం. ఈ కేసులో 279, 336 సెక్షన్ల కింద కేసు నమోదు చేశామని డీసీపీ మీడియాకు వెల్లడించారు. ఈ కేసులో తదుపరి దర్యాప్తు కొనసాగుతుందని, విచారణ పూర్తయిన తర్వాత మీడియాకు వివరాలను తెలియజేస్తామని పేర్కొన్నారు.

బుధవారం తెల్లవారుజాముణ హైదరాబాద్ శివారు ప్రాంతమైన నార్సింగ్ పరిధిలోని అల్కాపూర్ వద్ద ఓ కారు ప్రమాదానికి గురైన విషయం తెలిసిందే. ఈ ఘటన జరిగిన వెంటనే హీరో తరుణ్ కారు అని మీడియాలో వార్తలు వచ్చాయి. కారు ప్రమాదానికి గురైంది తాను కానని, అతడు, కుటుంబ సభ్యులు ఖండించారు. ఆ తర్వాత ఆ కారు యువ హీరో రాజ్ తరుణ్ అనే విషయం తెరపైకి వచ్చింది. అదే సమయంలో సీసీ టీవీ పుటేజ్‌ కూడా మీడియాలో హల్‌చల్ చేసింది. ప్రమాదం అనంతరం కారు దిగి పారిపోతున్న వ్యక్తి రాజ్ తరుణ్‌లా ఉండడంతో ఈ వార్తలకు బలం చేకూరినట్లైంది.