Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
విజయ నిర్మల అరుదైన ఆల్ రౌండర్.. శర్వానంద్
దర్శకురాలు, నటి, నిర్మాత విజయ నిర్మల మరణంతో సినీ పరిశ్రమ తీవ్ర దిగ్బ్రాంతికి లోనైంది. ఆమె మృతికి యువ హీరో శర్వానంద్ స్పందించారు. 'తెలుగు సినిమా ఇండస్ట్రీని దిశానిర్దేశం చేసిన అతి కొద్ది మంది వ్యక్తుల్లో విజయనిర్మలగారు ఒకరు. తెలుగు సినిమాపై నటిగా, దర్శకురాలిగా, నిర్మాతగా ఆమె ప్రభావం ఎంతో ఉంది. ఆమె ప్రయాణం ఎంతో మందికి స్ఫూర్తి దాయకం. ప్రపంచంలోనే 44 చిత్రాలకు దర్శకత్వం వహించిన ఏకైక మహిళా దర్శకురాలు. గిన్నిస్ బుక్లో స్థానం సంపాదించి తెలుగు సినిమాకే గర్వకారణంగా నిలిచారు' అని శర్వానంద్ సంతాపం వ్యక్తం చేశారు.
మహిళల్లో ఆమె లాంటి ఆల్ రౌండర్స్ అరుదు. ఇలాంటి వారిని ఇక చూడలేం. విజయ నిర్మలగారి మరణం సినీ పరిశ్రమకు తీరని లోటు. ఆమె ఆత్మకు శాంతి కలగాలి. కృష్ణగారికి, నరేశ్గారికి ఆ భగవంతుడు మనోధైర్యాన్ని ప్రసాదించాలి అని యువ హీరో శర్వానంద్ సంతాప ప్రకటనను విడుదల చేశారు.
కాగా, విజయ నిర్మల గారి అంతిమ యాత్ర శుక్రవారం ఉదయం 8 గంటలకు నానక్రామ్ గుడాలోని ఆమె స్వగృహం నుంచి ప్రారంభమవుతుంది. చిలుకూరులోని తన వ్యవసాయ క్షేత్రంలో అంత్యక్రియలు జరుగుతాయి అని కుటుంబ సభ్యులు వెల్లడించారు.