హోమ్

లేటేస్ట్ న్యూస్

హీరో సుమంత్ విభిన్న చిత్రాల వైపు దృష్టి పెట్టాడు. ఇటీవల సుమంత్ నటించి మళ్ళిరావా చిత్రం పరవాలేదనిపించింది. తాజాగా సుమంత్ రెండు చిత్రాల్లో నటిస్తున్నాడు. ఒకటి సుబ్రహ్మణ్యపురం కాగా మరొకటి ఇదంజగత్. అనిల్ శ్రీకంఠం దర్శకత్వంలో తెరకెక్కుతున్న ఈ చిత్ర టీజర్ విడుదలకు ముహూర్తంకుదిరింది.

రేపే(ఆగష్టు 21) ఈ చిత్ర టీజర్ విడుదల చేయనున్నారు. వైసిపి అధినేత వైఎస్ జగన్ చేతుల మీదుగా ఈ చిత్రం టీజర్ లాంచ్ కానుంది. చిత్ర యూనిట్ కొద్దిసేపటిక్రితమే ఈ విషయాన్ని ప్రకటించింది. జగన్, సుమంత్ చిన్ననాటి నుంచి స్నేహితులు. జగన్ రాజకీయాల్లో బిజీకాగా, సుమంత్ సినీ హీరోగా సెటిల్ అయ్యాడు. వైవిధ్యభరితమైన కథ, కథనాలతో ఈ చిత్రం రాబోతోంది.

సుమంత్ సరసన అంజు కురియన్ హీరోయిన్ గా నటిస్తోంది. సుమంత్ ఈ చిత్రంలో నెగిటివ్ షేడ్స్ ఉన్న పాత్రలో కనిపిస్తాడని సమాచారం. మరోవైపు సుబ్రహ్మణ్య పురం చిత్ర ఫస్ట్ లుక్ కూడా ఆకట్టుకుంది.