హోమ్

లేటేస్ట్ న్యూస్

మెగా అభిమానులకు పండుగ రోజు అంటే మెగాస్టార్ చిరంజీవి పుట్టినరోజు అని చెప్పడంలో అతిశయోక్తి లేదు. ప్రతీ ఏడాది ఆయన బర్త్ డేని ఎంతో స్పెషల్‌గా నిర్వహిస్తూ ఎన్నో సామాజిక సేవా కార్యక్రమాలు చేస్తుంటారు మెగా ఫ్యాన్స్. ఈ నేపథ్యంలోనే ఆగస్టు 22న ఆయన 64వ పుట్టిన రోజు సందర్బంగా భారీ వేడుక ప్లాన్ చేశారు.

హైదరాబాద్‌లోని శిల్పకళా వేదికలో ఈ గ్రాండ్ సెలెబ్రేషన్స్ జరుగుతున్నాయి. ఈ వేడుకలకు రెండు తెలుగు రాష్ట్రాల నలుమూలల నుంచి మెగా అభిమానులు తరలి రావడం విశేషం. ప్రస్తుతం శిల్పకళా వేదిక ప్రాంగణమంతా మెగా అభిమానులతో కిక్కిరిసిపోయింది. ఆ ప్రాంతమంతా పోటెత్తిన మెగా అభిమానులతో సందడి సందడిగా మారింది.

ఈ పుట్టినరోజు వేడుకల్లో మెగాస్టార్ చిరంజీవితో పాటు మెగా ఫ్యామిలీ స్టార్స్ అందరూ పాల్గొని అభిమానులకు కనువిందు చేయనున్నారు. ఇక ఈ వేడుకకు పవర్ స్టార్ పవన్ కళ్యాణ్ ముఖ్య అతిథిగా హాజరు కానుండటం మరో విశేషం. త్వరలో చిరంజీవి నటించిన 'సైరా నరసింహారెడ్డి' మూవీ విడుదలవుతున్న నేపథ్యంలో ఈ సారి పుట్టినరోజు వేడుక మరింత గ్రాండ్‌గా నిర్వహించబోతున్నారు. వైభవంగా జరుగబోతున్న ఈ ఈవెంటులో సైరా మేకింగ్ వీడియో, టీజర్ కూడా ప్రదర్శించి మెగా అభిమానులను కనువిందు చేయనున్నారు.