'ఇదే మా కధ' సినిమా చూడండి.. ఐదు రాయల్ ఎన్ ఫీల్డ్ బైకులు గెలవండి.. ఎలా అంటే?

Published: Sunday, October 3, 2021, 17:10 [IST]

కరోనా సెకండ్ వేవ్ ప్రభావం తర్వాత విడుదలైన చిన్న సినిమాలను జనాదరణ లభిస్తుండడంతో మరిన్ని సినిమాలు థియేట్రికల్ రిలీజ్ కు సిద్ధం అవుతున్నాయి. ఇప్పటికే అలా చాలా సినిమాలు విడుదలయ్యాయి కూడా. అలా విడుదలైన సినిమానే ఇదే మా కథ. ఆ సినిమా శుక్రవారం నాడు ప్రేక్షకుల ముందుకు రాగా ఆ సినిమా యూనిట్ ఒక ఆసక్తికర ప్రాతం చేసింది.. ఆ వివరాల్లోకి వెళితే

మిశ్రమ స్పందన

గాంధీ జయంతి సందర్భంగా అక్టోబర్ 2న ప్రేక్షకుల ముందుకు వచ్చిన సినిమా 'ఇదే మా కథ. ఈ సినిమా విడుదలైన మొదటి ఆట నుంచి మిశ్రమ స్పందన తెచ్చుకుంటోంది. శ్రీకాంత్ - భూమిక - సుమంత్ అశ్విన్ - తాన్యా హోప్ ప్రధాన పాత్రల్లో ఈ సినిమాలో నటించారు. రోడ్ జర్నీ కాన్సెప్ట్ తో ఈ సినిమా రూపొందింది. ఇప్పటికే విడుదలైన ప్రచార చిత్రాలు - టీజర్ సినిమాపై ఆసక్తి పెంచగా సినిమా కూడా ఆసక్తికరంగా సాగింది.

అదే ఈ సినిమా కధ

సుమంత్ అశ్విన్, శ్రీకాంత్, భూమికా చావ్లా, తాన్యా హోప్ ప్రధాన పాత్రల్లో నటించిన 'ఇదే మా కథ' సినిమా గురు పవన్ దర్శకత్వంలో రూపొందింది. మనోరమ సమర్పణలో గురప్ప పరమేశ్వర ప్రొడక్షన్స్ బ్యానర్ మీద మహేష్ గొల్లా ఈ సినిమాని నిర్మించారు. సుమంత్ అశ్విన్, శ్రీకాంత్, భూమికా చావ్లా, తాన్యా హోప్ రోడ్ జర్నీ చేస్తూ ఎక్కడ కలుసుకున్నారు? ఆ జర్నీ అంతా ఏమైంది? వారి వారి గోల్స్ రీచ్ అయ్యారా లేదా? అనేదే ఈ సినిమా కథ.

ఆసక్తికరంగా ఆ 20 నిముషాలు

నిజానికి తెలుగులో రోడ్ ఫిలిమ్స్ చాలా తక్కువ వచ్చాయి. అలాంటిది ప్రధాన పాత్రలలో పేరున్న నటీనటులను తీసుకోవడమే కాక సినిమాలో 20 నిమిషాలు మంచు మీద రైడ్, అలాగే వారి మధ్య రేస్ ఆసక్తికరంగా ఉంటుంది. సుమంత్ అశ్విన్ - తాన్యా హోప్ మధ్య లవ్ ట్రాక్ తో పాటుగా యాక్షన్ ఎలిమెంట్స్ ని కూడా బాగా టచ్ చేశారు.

ఎలా పాల్గొనాలంటే

తాజాగా ఈ సినిమా మేకర్స్ ఒక ఆసక్తికరమైన ప్రకటన చేశారు. అదేంటంటే ఈ ఇదే మా కథ సినిమా చూసిన వారు ఐదు రాయల్ ఎన్ ఫీల్డ్ బైకులు గెలిచేలా ఒక కాంటెస్ట్ రన్ చేస్తున్నారు. అయిదు ఆ ఐదు బైకులు గెలవాలి అంటే ఈ సినిమా చూసి ఆ సినిమా టికెట్స్ ఫోటో తీసి #IdheMaaKatha హ్యాష్ టాగ్ తో సోషల్ మీడియాలో పోస్ట్ చేయాల్సి ఉంటుంది. అలా ట్యాగ్ చేసిన వారిలో ఐదుగురికి ఎన్ ఫీల్డ్ బైకులు ఇతర బహుమతులు అందిస్తామని సినిమా నిర్మాతలు అధికారికంగా ప్రకటించారు.

మీరూ ట్రై చేయండి

సునీల్ కశ్యప్ ఈ సినిమాకు సంగీతం సమకూర్చగా సి. రామ్ ప్రసాద్ సినిమాటోగ్రఫీ అందించారు. పృథ్వీరాజ్, సప్తగిరి, సమీర్, సత్యం రాజేష్, శ్రీజిత ఘోష్, తివిక్రమ్ సాయి, ఆటో రామ్ ప్రసాద్ తదితరులు కూడా ఈ సినిమాలో నటించారు. అయితే మరి ఇంకెందుకు ఆలస్యం మీరు కూడా సినిమా చూసి కాంటెస్ట్ లో పాల్గొంటే ఆ లక్కీ విన్నర్ మీరే కావచ్చు.