ఈ దేశాన్ని రాముడు పాలిస్తున్నా కరోనాపై ఇదే చెప్పేవాడు.. దర్శకుడి సెన్సేషనల్ కామెంట్స్

కరోనా కట్టడికి చర్యలు..

కరోనాను కట్టడి చేసేందుకు ప్రభుత్వాలు ఎన్ని ప్రయత్నాలు చేసినా.. వ్యర్థమే అవుతున్నాయి. రోజూ కొత్త కేసులు నమోదవుతూనే ఉన్నాయి. కరోనా బాధితుల సంఖ్య పెరుగుతూనే వస్తోంది. వారం క్రితమే జనసమూహాలుండే ప్రదేశాలన్నింటిని మూసి వేయగా ప్రస్తుతం పూర్తిగా షట్ డౌన్ చేసేశారు.

విస్తృత ప్రచారం..

కరోనా వైరస్ సోకకుండా ఉండాలంటే తీసుకోవాల్సి జాగ్రత్తలను వివరిస్తూ.. అందరికీ అవగాహన కల్పించేందుకు ప్రభుత్వాలు ప్రయత్నించాయి. ఈ సమయంలోనే సెలెబ్రిటీలందరూ తమ వంతు బాధ్యతగా కరోనా వ్యాప్తి కాకుండా తీసుకోవాల్సిన జాగ్రత్తలను వీడియో సందేశాల ద్వారా తెలిపారు.

కరోనాపై కామెంట్స్..

కరోనాపై చక్కర్లు కొడుతున్న ఓ పోస్ట్‌కు దర్శకుడు ఇంద్రగంటి మోహన్ కృష్ణ కామెంట్ పెట్టాడు. ఇంతకీ ఆ పోస్ట్‌లో ఏముందో ఓ సారి చూద్దాం. ఈ వైరస్ అనేది వ్యాప్తి చెందదు.. కానీ మీరు చెందేలా చేస్తారు. అందుకే ఇంట్లనే ఉండండి. ఆసుపత్రులనేసి సొల్యూషన్ కాదు.. ఎందుకంటే వారే ప్రమాదపు అంచులో ఉన్నారు.. మీరు మాత్రమే దీన్ని ఎదురించగలరు. అందుకే ఇంట్లోనే ఉండండి.. ఇదేమీ ఫ్లూ కాదు.. దీనికి నివారణ లేదు.. అందుకే ఇంట్లోనే ఉండండి.. బయట జనాలు పిట్టల్లా రాలిపోతున్నారు.. అందుకే ఇంట్లోనే ఉండండి.. అని ఓ పోస్ట్ చక్కర్లు కొడుతోంది.

రాముడైనా ఇలాగే..

ఇలా వైరల్ అవుతున్న పోస్ట్‌కు ఇంద్రగంటి చేసిన కామెంట్ అందర్నీ ఆకట్టుకుంటోంది. ఒక వేళ ఈ దేశాన్ని రాముడు పరిపాలిస్తున్నా.. ఆయన కూడా ఇదే చెప్పేవాడు..పైగా బయట తిరిగే వారికి కఠిన శిక్షలు విధించేవాడంటూ కామెంట్ చేశాడు. ఈ ట్వీట్‌కు మంచు మనోజ్ రిప్లై ఇస్తూ.. నిజమే సర్ అని పోస్ట్ చేశాడు.