హోమ్

లేటేస్ట్ న్యూస్

మార్వెల్ స్టూడియోస్ నిర్మిస్తున్న సూపర్ హీరోల చిత్రం అవెంజర్స్ ప్రపంచ వ్యాప్తంగా ఎంతటి క్రేజ్ నెలకొని ఉందో తెలిసిందే. పిల్లపు పెద్దలు అంతా సూపర్ హీరోల విన్యాసాలు ఆస్వాదించేందుకు అవెంజర్స్ చిత్రాల కోసం ఎగబడుతుంటారు. ఈ ఏడాది ఆరంభంలో అవెంజర్స్ ఇన్ఫినిటీ వార్ విడుదలై ప్రేక్షకులకు వినోదాన్ని పంచింది.

ఇప్పుడు ప్రపంచ వ్యాప్తంగా అభిమానులంతా అవెంజర్స్ 4 కోసం ఎదురుచూస్తున్నారు. ఇటీవల ఓ ఇంటర్వ్యూలో అవెంజర్స్ సిరీస్ దర్శకులు అంథోని రుస్సో, జో రుస్సో మాట్లాడుతూ అవెంజర్స్ 4 గురించి ఆసక్తికర ప్రకటన విడుదల చేశారు. ఈ ఏడాది చివర్లో అవెంజర్స్ టీజర్ ట్రైలర్ విడుదల చేస్తాం అని ప్రకటించారు. కానీ ఖచ్చితమైన తేదీ మాత్రం ప్రకటించలేదు.

ఈ నేపథ్యంలో నవంబర్ 28 న అవెంజర్స్ 4 టీజర్ విడుదల చేసే అవకాశం ఉందని హాలీవుడ్ మీడియాలో వార్తలు వస్తున్నాయి. దీనిపై చిత్ర యూనిట్ అధికారిక ప్రకటన చేయాల్సి ఉంది. ప్రస్తుతం అవెంజర్స్ 4 పోస్ట్ ప్రొడక్షన్ కార్యక్రమాలు జరుగుతున్నాయి. వచ్చే ఏడాది మే 3 న చిత్రాన్ని విడుదల చేసే అవకాశాలు ఉన్నట్లు తెలుస్తోంది.