హోమ్

లేటేస్ట్ న్యూస్

యువ సామ్రాట్ అక్కినేని నాగచైత్య, హిట్ చిత్రాల దర్శకుడు శేఖర్ కమ్ముల కాంబినేషన్ లో కొత్త సినిమా రానున్న సంగతి తెలిసిందే. ఇటీవలే ఈ సినిమా పూజా కార్యక్రమాలు పూర్తి చేసుకొని లాంఛనంగా ప్రారంభమైంది. 'ఫిదా' సినిమా తరువాత లాంగ్ గ్యాప్ తీసుకున్న దర్శకుడు శేఖర్ కమ్ముల.. ఈ సినిమా కోసం మంచి స్క్రిప్ట్ రెడీ చేశారట. ఈ చిత్రంలో నాగచైతన్య సరసన సాయిపల్లవి హీరోయిన్‌గా నటిస్తోంది. కాగా తాజాగా ఈ సినిమాకు సంబందించిన ఓ ఆసక్తికర అప్‌డేట్ బయటకు వచ్చింది.

గతంలో ఫిదా సినిమాలో సాయి పల్లవితో తెలంగాణ యాసలో డైలాగ్స్ చెప్పించారు శేఖర్ కమ్ముల. అచ్చమైన తెలంగాణ యాసలో ఆమె చెప్పిన ముద్దు ముద్దు మాటలు సినిమాకే హైలైట్ గా నిలిచాయి. అదే ప్రయోగాన్ని ఈ సినిమాలో కూడా చేయాలని నిర్ణయించారట శేఖర్ కమ్ముల. కాకపోతే ఇందులో సాయి పల్లవికి బదులుగా నాగచైతన్యతో తెలంగాణ యాసలో డైలాగ్స్ చెప్పించాలని శేఖర్ కమ్ముల డిసైడ్ అయ్యారట. ఈ మేరకు నాగచైతన్యకు తెలంగాణ యాసపై ట్రైనింగ్ కూడా ఇప్పిస్తున్నారని తెలుస్తోంది. నాగచైతన్య కూడా ఈ అంశమై స్పెషల్ ఇంట్రెస్ట్ చూపుతున్నారని ఫిలిం నగర్ టాక్.

నాగచైతన్య కెరీర్ లో 20 సినిమాగా ఈ చిత్రం తెరకెక్కనుంది. మర్షియల్ హంగులు, భారీ యాక్షన్ సీన్లు, పెద్ద హీరోల జోలికి పోకుండా తనదైన శైలిలో అలరించే శేఖర్ కమ్ముల ఈ సినిమా కోసం అద్భుతమైన స్క్రిప్ట్ రేడే చేసుకున్నారట. ఈ సినిమాలో నాగచైతన్య, సాయి పల్లవి జోడీని మరింత నాచురల్‌గా చూపించాలని శేఖర్ కమ్ముల ప్లాన్‌ చేస్తున్నారట. మరి కొద్ది రోజుల్లో సినిమాకు సంబందించిన మరిన్ని వివరాలు ప్రకటించనున్నారు.