Don't Miss!
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- News వైసీపీలోకి జనసేన మఖ్య నేతలు - పిఠాపురం పై గురి..!!
- Finance Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Technology Truecaller Spam Model స్పామ్ కాల్స్కు చెక్ పెట్టేందుకు ట్రూకాలర్ కొత్త టూల్ విడుదల..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
నృత్యకారిణిగా శ్రుతీ హాసన్, కమల్ పేరు నిలబెట్టేనా!!!
ఈ మధ్య బొత్తిగా కనిపించడమే మానేసిన శ్రుతీ హాసన్, తన పాప్ బ్యాండ్ ఎడ్జ్ కోసమే సమయమంతా వెచ్చిస్తోంది. తన ఓన్ కంపోజింగ్ లో పాటలు పాడుతూ కాలక్షేపం చేస్తున్న శ్రుతి మళ్లీ సినిమాలతో బిజీగా మారుతోంది. ఇటీవలే మాస్ మహారాజా సరసన నటించేందుకు గ్రీన్ సిగ్నల్ ఇచ్చిన శ్రుతి, ఇప్పుడు తమిళంలో విజయ్ సేతుపతికి జోడీగా నటించేందుకు సై అంటోంది.
అయితే, ఇదివరకటిలా కాకుండా, ఈ మధ్య అమ్మడు ఆచి తూచి మాత్రమే సినిమాలు ఎంపిక చేసుకుంటోంది. రవితేజ క్రాక్ లో వైద్యురాలిగా నటనకు ఆస్కారమున్న పాత్రలో నటించనున్న సంగతి తెలిసిందే. ఇప్పుడు తమిళంలో మరింత ఛాలెంజింగ్ రోల్ లో కనిపించబోతోందట అమ్మడు. ఇందులో గ్రామీణ నృత్యకారిణిగా ఆడిపాడబోతోందట.
ఎస్పీ జనన్నాథన్ దర్శకత్వంలో తెరకెక్కుతున్న లాభంలో శ్రుతి గ్రామీణ ప్రాంతానికి చెందిన నృత్యకారిణిగా కనపించబోతోందిట. విజయ్ సేతుపతి ఇందులో ఓ సంఘ సంస్కర్తగా నటిస్తున్నాడు. సినిమాలో రెండు పాత్రలకు సమాన ప్రాధాన్యం ఉందని తెలుస్తోంది.
గతంలోనూ విజయ్ సేతుపతి, ఎస్పీ జనన్నాథన్ కలయికలో ఓ సినిమా వచ్చింది. పురంపోక్కు ఎంగిర పోదువుదమయ్ అనే సినిమాలో ఆర్యా, శ్యామ్ వంటి స్టార్ క్యాస్ట్ ఉన్నప్పటికీ ఆ సినిమా బాక్సాఫీస్ రేసులో నిలబడలేకపోయింది. అయితే లాభం పై మాత్రం ట్రేడ్ వర్గాల్లో భారీ అంచనాలే నెలకొన్నాయి.
మరోవైపు లాభం సినిమాలో తన పాత్ర కోసం ఇప్పటి నుంచే కసరత్తులు మొదలుపెట్టిన శ్రుతీ యోగా, ఇండోర్ ఎక్సర్ సైజ్ లతో బాడీని షేప్ లోకి తీసుకువచ్చేందుకు ప్రయత్నిస్తోంది. ఈ కసరత్తులకు సంబంధించిన వీడియోలను సోషల్ మీడియాలో పోస్ట్ చేసి ఫ్యాన్స్ కు కనువిందు చేస్తోంది.