Don't Miss!
- News అసెంబ్లీ ఎన్నికల పోలింగ్ షురూ: బారులు తీరిన ఓటర్లు
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
‘అమర్ అక్బర్ ఆంటోనీ’... శ్రీను వైట్లలో కాన్ఫిడెన్స్ పెంచిన ‘సి’ రిపోర్ట్
రవితేజ, ఇలియానా హీరో హీరోయిన్లుగా శ్రీను వైట్ల దర్శకత్వంలో తెరకెక్కిన 'అమర్ అక్బర్ ఆంటోనీ' నవంబర్ 16న విడుదల కాబోతున్న సంగతి తెలిసిందే. మైత్రి మూవీ మేకర్స్ నిర్మిస్తున్న ఈ చిత్రం తాజాగా సెన్సార్ కార్యక్రమాలను పూర్తి చేసుకుంది.
ఈ చిత్రాన్ని సెన్సార్ బోర్డ్ సభ్యులు 'యూ/ఎ' సర్టిఫికెట్ జారీ చేశారు. సెన్సార్ సభ్యుల నుంచి కూడా సినిమా విషయంలో పాజిటివ్ రెస్పాన్స్ రావడంతో దర్శకుడు శ్రీను వైట్లలో కాన్ఫిడెన్స్ మరింత పెరిగింది. సెన్సార్ కార్యక్రమాలు పూర్తయిన వెంటనే ఆయన ట్వీట్ చేశారు.
Its "UA" For our #AmarAkbarAnthony...Meet you in theatres on November 16th #AAAOnNov16 pic.twitter.com/1dfzmioLpM
— Sreenu Vaitla (@SreenuVaitla) November 12, 2018
ఈ చిత్రంలో మాస్ మహరాజ.... అమర్, అక్బర్, ఆంటోనీ అనే మూడు పాత్రల్లో కనిపించబోతున్నారు. కామెడీ, యాక్షన్, ఎమోషన్స్ ఇలా ఒక్కో పాత్ర ఒక్కో విధంగా ప్రేక్షకులను అలరించబోతోంది. ఇప్పటికే విడుదలైన టీజర్, ట్రైలర్ సినిమాపై అంచనాలు మరింత పెరిగాయి.
రవితేజ సినిమా అంటేనే ప్రేక్షకులు వినోదం ఆశిస్తారు. మాస్ మహరాజా మార్క్ కామెడీ, యాక్షన్, సెంటిమెంట్ అన్నీ సమపాళ్లలో రంగరించి ఈ చిత్రాన్ని తెరకెక్కించినట్లు ట్రైలర్ చూస్తే స్పష్టమవుతోంది. ఈ సినిమా ద్వారా తెలుగులో రీ ఎంట్రీ ఇస్తున్న ఇలియానా తన పాత్రకు తనే డబ్బింగ్ చెప్పుకున్నారు.
'మైత్రి మూవీ మేకర్స్' లాంటి పెద్ద బేనర్ నుంచి వస్తున్న సినిమా కావడం కూడా ప్రేక్షకుల్లో అంచనాలు మరింత పెంచింది. శ్రీమంతుడు, జనతా గ్యారేజ్, రంగస్థలం లాంటి బ్లాక్ బస్టర్ చిత్రాలను అందించిన 'మైత్రి మూవీ మేకర్స్' మరోసారి హిట్ కొడతామనే కాన్ఫిడెన్స్తో ఉన్నారు.