NTR30: బ్యాడ్ న్యూస్.. NTR30 షూటింగ్ మరోసారి వాయిదా.. ఆ టార్గెట్ రీచ్ అవుతారా?

అనుకున్న సమయానికి..

దర్శక ధీరుడు జక్కన రాజమౌళితో రౌద్రం.. రణం.. రుధిరం (RRR) సినిమా పట్టాలపై ఉన్నప్పుడే జూనియర్ ఎన్టీఆర్ తన 30వ చిత్రాన్ని డైరెక్టర్ కొరటాల శివతో చేసేందుకు ఒప్పుకున్నాడు. అయితే అప్పుడు ఈ సినిమా అనుకున్న సమయానికి ఎలాంటి చిత్రీకరణను ప్రారంభించలేదు. దీంతో ఎన్టీఆర్ ఫ్యాన్స్ అందరూ నిరాశ చెందారు. తర్వాత ఈ సినిమా నుంచి వచ్చిన గ్లింప్స్ తో మళ్లీ నందమూరి అభిమానుల్లో జోష్ వచ్చింది.

7 నెలల్లోనే ఫినిష్ చేయాలని..

NTR30 గ్లింప్స్ తర్వాత సినిమా సెట్స్ పైకి వెళ్తందని అంతా భావించారు. కానీ ఆ తర్వాత ప్రాజెక్టులో ఎన్నో మార్పులు జరిగాయి. ఎన్నోసార్లు ఈ సినిమా చిత్రీకరణ ప్రారంభ తేది మారుతూ వచ్చింది. ఈ సినిమా షూటింగ్ ను ముందుగా ఈ ఏడాది చివర్లో మొదలైనా అలాగే వచ్చే ఏడాది మొదట్లో మొదలైన కూడా కేవలం 7 నెలల్లోనే ఫినిష్ చేయాలనే టార్గెట్ పెట్టుకున్నారు. అంటే 2023 జూలై నెలలోనే ఈ సినిమా షూటింగ్ ఫినిష్ అవ్వాలని అనుకున్నారు. అయితే స్క్రిప్ట్ విషయంలో జూనియర్ ఎన్టీఆర్ సంతృప్తిగా లేకపోవడంతో మళ్లీ ఈ సినిమా చిత్రీకరణ వాయిదా పడిందని సమాచారం.

కారణాలపై లేని క్లారిటీ..

ఈ ఏడాది డిసెంబర్ లేదా వచ్చే ఏడాది జనవరిలో ప్రారంం NTR30 సినిమా షూటింగ్ ప్రారంభం అవుతుందనుకున్నారు. కానీ ప్రస్తుతం నెలకొన్న పరిస్థితులను బట్టి ఈ సినిమా షూటింగ్ షెడ్యూల్ ఫిబ్రవరి 2023లోనే ప్రారంభం కావొచ్చని తెలుస్తోంది. అసలు నెలకొన్న పరిస్థితులు ఏంటో.. షెడ్యూల్ ఎందుకు వాయిదా వేస్తున్నారన్న విషయాలపై మాత్రం క్లారిటీ లేదు. ప్రస్తుతానికి అయితే సినిమా ప్రారంభోత్సవానికి మరో 3 నెలల సమయం పడుతుందని సమాచారం. ఎప్పుడు చిత్రీకరణ ప్రారంభం అయిన 7 నెలల్లో కంప్లీట్ చేయాలనుకున్న టార్గెట్ రీచ్ అవుతారో వేచి చూడాలి. అయితే ఈ సినిమా విషయంలో కొరటాల శివ మాత్రం ఫుల్ కాన్ఫిడెన్స్ గా ఉన్నట్లు తెలుస్తోంది. ఇండియన్ సినిమాలోనే ఇది కొత్త జానర్ అవుతుందని ఇదివరకు ఆయన చెప్పారు. పూర్తిగా కొత్త తరహా బ్యాక్ డ్రాప్ అని, ఇప్పటివరకు ఎవరూ టచ్ చేయలేదని సమాచారం.