RRR సెట్ లో రామరాజు, భీమ్ ముచ్చట్లు.. ఎంత సరదాగా ఉన్నారో.. ఫొటోస్ వైరల్

ఖాళీ సమయాల్లో.. స్టార్స్ అందరూ

RRR సినిమాలో రామ్ చరణ్, జూనియర్ ఎన్టీఆర్ వంటి స్టార్ హీరోలతో పాటు కొంతమంది టాలెంటెడ్ నటీనటులు ముఖ్య పాత్రల్లో కనిపించబోతున్నారు. అజయ్ దేవ్ గన్, శ్రియా అలాగే తమిళ దర్శకుడు, నటుడు సముథ్రఖని కూడా ముఖ్య పాత్రలో నటిస్తున్న విషయం తెలిసిందే. ప్రతి ఒక్కరు కూడా ఎంతో స్థాయి, అనుభవం ఉన్న నటీనటులు. ఇక ఖాళీ సమయాల్లో వీళ్ళు ఒకరి అనుభవాలను మరొకరు పంచుకుంటున్నారు.

లీక్ అవ్వకుండా.. రాజమౌళి జాగ్రత్తలు

ఇక సినిమాకు సంబంధించిన చిన్న పోస్టర్ విడుదలైన కూడా సోషల్ మీడియాలో బాగానే వైరల్ అవుతోంది. దర్శకుడు రాజమౌళి అయితే ఏ చిన్న సీన్ కూడా లీక్ అవ్వకూడదని చాలా జాగ్రత్తగా అడుగులు వేస్తున్నాడు. ఇక సినిమా రావడానికి చాలా సమయం ఉన్నప్పటికీ రెగ్యులర్ గా ఎదో ఒక అప్డేట్ తో హ్యాపీ చేస్తున్నారు.

రామరాజు, భీమ్ ముచ్చట్లు

ఇక చాలా కాలం తరువాత జూనియర్ ఎన్టీఆర్, రామ్ చరణ్ కు సంబంధించిన లొకేషన్స్ ఫొటోలను రిలీజ్ చేశారు. అందులో అల్లూరి సీతారామరాజు, కొమురం భీమ్ తీరిగ్గా ముచ్చట్లు పెట్టుకుంటూ నవ్వుకుంటూ కనిపిస్తున్నారు. ఆ ఫ్రేమ్ అభిమానులను ఎంతగానో ఎట్రాక్ట్ చేస్తోంది. రియల్ లైఫ్ లో తారక్, ఎన్టీఆర్ ల మధ్య సంభాషణలను వినాలని ఉందని నెటిజన్లు చాలానే కామెంట్స్ చేస్తున్నారు.

షూటింగ్ ఎంతవరకు వచ్చింది అంటే..

ఇక సినిమా షూటింగ్ ఎంతవరకు వచ్చింది అంటే.. ప్రస్తుతం క్లైమాక్స్ సన్నివేశాల్ని షూట్ చేయడంలో బిజీగా ఉన్నట్లు ట్విట్టర్ ద్వారా తెలియజేశారు. ఇక కాస్త గ్యాప్ లోనే ఇద్దరు హీరోలు ఇలా ముచ్చట్లు పెట్టుకున్నట్లు తెలుస్తోంది. ఇక సినిమా షూటింగ్ ఫినిష్ అయితే వీలైనంత త్వరగా పోస్ట్ ప్రొడక్షన్ పనుల్లో బిజీ కావాలని రాజమౌళి అడుగులు వేస్తున్నారు.