చరిత్రలో రాయని చాప్టర్ తో వస్తున్న నందమూరి హీరో.. మామూలు రచ్చ కాదుగా!

ఆసక్తికరంగా బింబిసార

ఎలా అయినా ప్రేక్షకులను మెప్పించే సినిమా చేయాలని భావిస్తున్న కళ్యాణ్ రామ్ బింబిసార అనే సినిమా చేస్తున్నాడు. ఈ సినిమా టైటిల్ మాత్రమే కాక ఈ టైటిల్ రివీల్ చేస్తున్నప్పుడు రిలీజ్ చేసిన వీడియో కూడా ఈ సినిమా మీద అంచనాలు పెంచింది.

బాహుబలిలా

బాహుబలి రూపంలో కనిపిస్తున్న కళ్యాణ్ రామ్ కొత్తగా కనిపిస్తున్నాడనే చెప్పాలి. శత్రువులను చంపి వారి శవాలను గుట్టగా పేర్చి వాటి మీద కూర్చుని పవర్ఫుల్ లుక్ లో కనిపించాడు. ఎ టైం ట్రావెల్ ఫ్రొం ఈవిల్ టు గుడ్ అనే ఈవిల్ ట్యాగ్ లైన్ తో తెరకెక్కుతున్న ఈ సినిమాను తారక రామారావు ఆర్ట్స్ బ్యానర్ మీద నిర్మిస్తున్నారు.

బర్త్ డే స్పెషల్

ఇక ఈ సినిమా పూర్తిగా పౌరాణిక అంశాలతో కూడి ఉంటుందని పెద్ద ఎత్తున ప్రచారం జరుగుతోంది. వశిష్ట మల్లిడి అనే కొత్త దర్శకుడు తెరకెక్కిస్తున్న ఈ సినిమా కోసం నందమూరి అభిమానులు తెగ ఎదురు చూస్తున్నారు. ఇక మరో పక్క రేపు కళ్యాణ్ రామ్ పుట్టిన రోజు జరుపుకోబోతున్నాడు. ఈ సందర్భంగా ఆయన చేస్తున్న మరో సినిమా టైటిల్ అలాగే ఫస్ట్ లుక్ రిలీజ్ చేయబోతున్నారు.

ప్రీ-లుక్ పోస్టర్

ఈ సినిమా టైటిల్ అండ్ ఫస్ట్ లుక్ పోస్టర్ రేపు సాయంత్రం 4:05 గంటలకు, కళ్యాణ్ రామ్ పుట్టిన రోజు సందర్భంగా విడుదల కానుందని అభిషేక్ పిక్చర్స్ సంస్థ ఈ రోజు ప్రకటించింది. ఇక ఈ విషయాన్ని ప్రకటించడానికి ఒక ప్రీ-లుక్ పోస్టర్ విడుదల చేశారు. ఈ ప్రీ-లుక్ పోస్టర్‌లో ఒక పీరియడ్ వైబ్ కనిపిస్తోంది.

Recommended Video

Star Director Bobby Launches Jagadananda Karaka Movie ​| Filmibeat Telugu

చరిత్రలో అలిఖిత అధ్యాయం

ఒక వ్యక్తి, పాతకాలపు దుస్తులు ధరించి, గొడుగు పట్టుకొని రైల్వే ట్రాక్‌పై నిలబడి ఉండగా స్టీమ్ ట్రైన్ పక్కన కనిపిస్తోంది. ఇక "చరిత్రలో అలిఖిత అధ్యాయం" అని పోస్టర్ లో పేర్కొన్నారు. ఈ సినిమాను అభిషేక్ నామా నిర్మిస్తున్నారు. ఈ సినిమా దర్శకుడు ఎవరు అనే విషయం వెల్లడించకపోయినా, బాబు బాగా బిజీ అనే సినిమాతో ఫేమస్ అయిన నవీన్ మేడారం తన సోషల్ మీడియాలో పోస్ట్ చేయడంతో ఈ సినిమాకు ఆయనే దర్శకుడు అని భావిస్తున్నారు. ఈ అంశం మీద రేపు క్లారిటీ వచ్చే అవకాశం కనిపిస్తోంది.