Don't Miss!
- News కాంగ్రెస్కు షాక్: బీజేపీలో చేరిన సీనియర్ ఎంపీ రవ్నీత్ సింగ్ బిట్టు
- Sports CSK vs GT: అందుకే ఓడాం: శుభ్మన్ గిల్
- Lifestyle భర్త రతి మన్మధుడు అయితే ?, కెవ్వుకేక, తాత ముత్తాతల ఆచారం అదుర్స్
- Automobiles రూ. 79,000 కే హీరో Pleasure Plus Xtec Sports వేరియంట్ లాంచ్.. ఫీచర్లు అదరహో.!!
- Finance Stock Market: భారీ నష్టాల్లో ముగిసిన స్టాక్ మార్కెట్..
- Technology లోక్సభ ఎన్నికల తర్వాత మొబైల్ రీఛార్జ్ టారిఫ్ల ధరలు పెరిగే ఛాన్స్.. పూర్తి వివరాలు..!
- Travel నేటి నుంచే సింహాచలంలో మహాయజ్ఞం ప్రారంభం..
శృతి హాసన్ని పెద్దగా పట్టించుకోను.. మా అక్క గురించి చెప్పాలంటే: అక్షర హాసన్
సీనియర్ హీరో కమల్ హాసన్ కూతుళ్లు శృతి హాసన్, అక్షర హాసన్ ఆయన నట వారసత్వాన్ని అందిపుచ్చుకున్నారు. హీరోయిన్లుగా వెండితెరపై రాణిస్తున్నారు. ఇప్పటికే శృతి హాసన్ స్టార్ హీరోయిన్ గా పాపులారిటీ తెచ్చుకోగా, అక్షర హాసన్ ఇప్పుడిప్పుడే కెరీర్ గాడిలో పెట్టుకుంటోంది. సొంత అక్కచెల్లెలు హీరోయిన్లుగా చెలామణి కావడం చాలా అరుదు. గ్లామర్ ప్రపంచం అన్నాక ఎన్నో హీరోయిన్లకు సంబంధించి ప్రతీ విషయాన్ని తెలుసుకోవాలని భావిస్తుంటారు ప్రేక్షకులు. ఈ నేపథ్యంలోనే తాజాగా జరిగిన ఓ ఇంటర్వ్యూలో అక్షర హాసన్ని తన అక్క శృతి హాసన్ గురించిన ప్రశ్నలు వేశారు. అయితే వాటిపై ఆసక్తికరంగా రియాక్ట్ అయింది అక్షర.
తన సొంత అక్కే అయినప్పటికీ శృతి హాసన్ విషయాల్లో తాను అస్సలు జోక్యం చేసుకోనని చెప్పింది అక్షర హాసన్. తన విషయాల్లో కూడా అక్క శృతి వేలు పెట్టదని, లాగే తాను కూడా అక్క విషయాలు పట్టించుకోనని ఆమె చెప్పింది. అయితే కొన్ని సందర్భాల్లో సినిమాలకు సంబందించిన విషయాలు మాత్రం చర్చించుకుంటామని, ఇంతకంటే అక్క గురించి చెప్పాలంటే తన దగ్గర ఏదీ లేదని తెలిపింది అక్షర హాసన్. రానున్న రోజుల్లో దర్శకురాలిని కావాలని ఉందని ఈ సందర్బంగా ఆమె చెప్పింది.
ఇక అక్షర హాసన్ కీలక పాత్రలో నటించిన తమిళ చిత్రం 'కడరం కొండాన్' తెలుగులో 'మిస్టర్ కేకే' పేరుతో విడుదల కానుంది. రాజేశ్ సెల్వా దర్శకత్వం వహించిన ఈ చిత్రంలో నాజర్ కుమారుడు అభి అక్షరకు జోడీగా నటిస్తున్నాడు. శుక్రవారం నాడు ఈ సినిమా ప్రేక్షకుల ముందుకు రానుంది. ఈ చిత్రంలో అకీరా అనే చాలెంజింగ్ పాత్రలో నటించింది అక్షర హాసన్.
మరోవైపు ప్రియుడు మైకేల్ కొర్సలేతో ఇన్నాళ్లు డేటింగ్ చేసిన శృతి హాసన్.. ఇటీవలే ఆయనకు బ్రేకప్ చెప్పేసింది. చాలా కాలం తర్వాత తిరిగి సినిమాల్లోకి ఎంట్రీ ఇస్తూ 'లాభం' అనే సినిమాలో విజయ్ సేతుపతికి జోడిగా నటిస్తోంది శృతి. దీంతో పాటు రవితేజ సరసన మరో తెలుగు సినిమాలో కూడా శృతి నటిస్తోందని సమాచారం.