హోమ్

లేటేస్ట్ న్యూస్

స్టార్ డైరెక్టర్ శంకర్ తెరకెక్కిస్తున్న తాజా చిత్రం భారతీయుడు 2. దాదాపు 22 ఏళ్ల క్రితం వచ్చిన భారతీయుడు చిత్రం సంచలన విజయం సాధించింది. శంకర్ దర్శత్వం, కమల్ హాసన్ డ్యూయెల్ రోల్ లో నటన ఈ చిత్రానికి హైలైట్ గా నిలిచాయి. ఇటీవల భారతీయుడు 2 చిత్రం సెట్స్‌పైకి వెళ్లిన సంగతి తెలిసిందే. సమాజంలో జరిగుతున్న కొన్ని సంఘటనల ఆధారంగా బలమైన కథ రూపొందించినట్లు శంకర్ ఇటీవల తెలిపారు.

ఇప్పటికే భారతీయుడు 2 చిత్రానికి సంబంధించిన రెండు కీలక షెడ్యూల్స్ పూర్తయ్యాయి. భారతీయుడు 2 షూటింగ్ కి కొన్నిరోజులు బ్రేక్ పడనుంది. కమల్ హాసన్ ఆ మధ్యన మక్కళ్ నీధి మైయాం పార్టీని స్థాపించిన సంగతి తెలిసిందే. త్వరలో జరగబోయే సార్వత్రిక ఎన్నికల్లో కమల్ హాసన్ పార్టీ కూడా బరిలోకి దిగబోతోంది.

ఈ నేపథ్యంలో పార్టీ ప్రచారంలో కమల్ హాసన్ పాల్గొనబోతున్నారు. ఎన్నికలు ముగిసేంత వరకు షూటింగ్‌కి బ్రేక్ ఇవ్వాలని కమల్ శంకర్‌ని రిక్వస్ట్ చేసినట్లు తెలుస్తోంది. ఈ క్రేజీ చిత్రంలో కాజల్ అగర్వాల్ హీరోయిన్‌గా నటిస్తోంది. లైకా ప్రొడక్షన్స్ సంస్థ ఈ చిత్రాన్ని నిర్మిస్తోంది. అనిరుద్ రవిచందర్ ఈ చిత్రానికి సంగీత దర్శకుడు.