మహేష్ బాబు ట్వీట్‌కు ఆలస్యంగా స్పందించిన కమల్ హాసన్.. సూపర్‌స్టార్‌పై ఆసక్తికర కామెంట్స్

గురువు విగ్రహాన్ని ప్రతిష్టించిన కమల్..

ఈ పుట్టినరోజుకు ప్రత్యేక సందర్భంగా ఉండటంతో ఎంతో ఘనంగా సెలెబ్రేట్ చేసుకున్నాడు లోకనాయకుడు. సినీ జీవితంలో అడుగు పెట్టి అరవై యేళ్లు గడవడంతో గ్రాండ్‌గా సెలబ్రేట్ చేసుకున్నాడు. తన గురువైన కె బాలచందర్ విగ్రహాన్ని ప్రతిష్టించాడు.

విషెస్ చెప్పిన మహేష్..

కమల్ హాసన్ పుట్టిన రోజు సందర్భంగా మహేష్ ట్వీట్ చేస్తూ.. సినీ ఇండస్ట్రీకి మీరు చేసిన సేవలు అసాధారణం.. నటుడిగా అరవై యేళ్లు గడిచినందుకు కంగ్రాట్స్.. ఇది నిజంగా స్ఫూర్తి వంతం.. ఈ ఏడాది మీరు ఆయురారోగ్యాలతో సంతోషంగా ఉండాలి.. పుట్టినరోజు శుభాకాంక్షలు అని ట్వీట్ చేశాడు.

ఆలస్యంగా రిప్లై ఇచ్చిన కమల్..

మహేష్ విషెస్‌కు కమల్ హాసన్ కాస్త ఆలస్యంగా రిప్లై ఇచ్చాడు. ఈ మేరకు కమల్ స్పందిస్తూ.. ‘ధన్యవాదాలు మహేష్ జి. నువ్వు కూడా కెరీర్‌ని చైల్డ్ ఆర్టిస్ట్ గా మొదలు పెట్టి అద్భుతమైన నీ కెరీర్ లో గొప్ప ఎత్తులను అందుకుంటున్నావు. నీ శుభాకాంక్షల ను నేను గౌరవప్రదం గా స్వీకారిస్తున్నాను. విష్ యు ఆల్ ది బెస్ట్" అంటూ మహేష్ కెరీర్ పట్ల తను ఎంతో ఆనందంగా ఉన్నాన'ని తెలిపాడు.

రీట్వీట్ చేసిన మహేష్..

కమల్ హాసన్ ఆలస్యంగా స్పందించినా.. మహేష్ మాత్రం వెంటనే రిప్లై ఇచ్చాడు. కమల్ ట్వీట్‌కు మహేష్ రిప్లై ఇస్తూ.. ధన్యవాదాలు సర్.. ఎల్లప్పుడు మీపై మాకు ప్రేమా గౌరవం ఉంటుంది అంటూ ట్వీట్ చేశాడు. మహేష్ ప్రస్తుతం సరిలేరు నీకెవ్వరు మూవీ షూటింగ్‌లొ బిజీగా ఉన్నాడు.