Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
జెర్సీ కోసం కరణ్ జోహార్తో చేతులు కలపబోతున్న దిల్ రాజు!
నేచురల్ స్టార్ నాని నటించిన జెర్సీ చిత్రం పాజిటివ్ టాక్ తో దూసుకుపోతోంది. గత శుక్రవారం విడుదలైన ఈ చిత్రానికి ప్రేక్షకుల నుంచి తిరుగులేని స్పందన వస్తున్న సంగతి తెలిసిందే. నాని నటనతో అదరగొట్టేశాడు అంటూ ప్రశంసలు దక్కుతున్నాయి. నాని క్రికెటర్ అర్జున్ పాత్రలో ఎమోషనల్ నటనతో కట్టిపడేశాడు. గౌతమ్ తిన్ననూరి తన దర్శకత్వ ప్రతిభతో అందరిని ఆశ్చర్యానికి గురిచేశాడు. ఇక హీరోయిన్ శ్రద్దా శ్రీనాథ్ కూడా అద్భుతంగా నటించింది. ఈ చిత్రానికి అప్పుడే రీమేక్ హక్కుల విషయంలో ఇతర భాషల్లో డిమాండ్ పెరిగిపోయింది.
ఇక టాలీవుడ్ స్టార్ ప్రొడ్యూసర్ దిల్ రాజ్ జెర్సీ చిత్రంతో పెద్ద ప్లానే వేసినట్లు వార్తలు వస్తున్నాయి. దిల్ రాజు తన శ్రీవెంకటేశ్వర క్రియేషన్స్ బ్యానర్ లో దేశవ్యాప్తంగా పాపులర్ చేయాలని భావిస్తున్నారు. అందుకోసం జెర్సీ చిత్రాన్ని ఉపయోగించుకొనునట్లు తెలుస్తోంది. జెర్సీ చిత్ర హిందీ రీమేక్ హక్కులని సొంతం చేసుకుని.. బాలీవుడ్ స్టార్ ప్రొడ్యూసర్ కరణ్ జోహార్ తో కలసి ఈ చిత్రాన్ని నిర్మించాలని దిల్ రాజు భావిస్తున్నారట.
జెర్సీ చిత్రం విషయంలో దిల్ రాజు ఇప్పటికే కరణ్ జోహార్ తో చర్చలు ప్రారంభించినట్లు తెలుస్తోంది. కకరణ్ జోహార్ ఇప్పటికే బాహుబలి రెండు భాగాలని హిందీలో విడుదల చేశారు. అప్పటి నుంచి కరణ్ జోహార్ కు టాలీవుడ్ ప్రముఖులతో మంచి సాన్నిహిత్యం ఏర్పడింది. నాని తరహాలో హిందీలో ఎవరు నటిస్తారు.. దర్శకుడు ఎవరు లాంటి అంశాలన్నీ త్వరలో తెలియనున్నాయి.