హీరో కార్తి ‘దేవ్’ మూవీ రిలీజ్ డేట్ ఖరారు, ఆడియో ఎప్పుడంటే...

| Published: Thursday, January 10, 2019, 20:24 [IST]

తమిళ స్టార్ కార్తీ త్వరలో 'దేవ్' అనే సినిమా ద్వారా ప్రేక్షకుల ముందుకు రాబోతున్నాడు. రజత్ రవిశంకర్ అనే కొత్త డైరెక్టర్ దర్శకత్వం వహిస్తున్న ఈ చిత్రం ఒక డిఫరెంట్ కాన్సెప్టుతో రూపొందుతోంది. ఇప్పటికే విడుదలైన టీజర్, ఫస్ట్ లుక్‌కు మంచి స్పందన వచ్చింది. తాజాగా రిలీజ్ డేట్ లాక్ చేసి అఫీషియల్ ప్రకటన చేశారు. ఫిబ్రవరి 14న ప్రేమికుల రోజు సందర్భంగా ఈ చిత్రం విడుదలకాబోతోంది.

మరో వైపు ఈ మూవీ ఆడియో రిలీజ్ డేట్ కుడా ఖరారైంది. సంక్రాంతి సందర్భంగా జనవరి 14న పాటలు విడుదల చేయబోతున్నారు. ఖాకీ తర్వాత రెండోసారి కార్తి-ర‌కుల్ ప్రీత్ సింగ్ కాంబినేషన్లో వస్తున్న సినిమా ఇది.

నిక్కీ గిర్లానీ సెకండ్ హీరోయిన్‌గా నటించింది. ప్ర‌కాశ్ రాజ్, ర‌మ్య‌కృష్ణ ఈ చిత్రంలో కీల‌క పాత్ర‌ల్లో న‌టిస్తున్నారు. ఆర్ వేల్రాజ్ ఈ చిత్రానికి సినిమాటోగ్ర‌ఫీ అందిస్తున్నారు. రిల‌య‌న్స్ ఎంట‌ర్ టైన్మెంట్ స‌మ‌ర్పిస్తున్న ఈ మూవీ ప్రిన్స్ పిక్చ‌ర్స్ బ్యాన‌ర్లో నిర్మించబడుతోంది.

ఇంకా కార్తిక్ ముత్తురామ‌న్, ఆర్జే విఘ్నేష్, రేణుక‌, అమృత‌, వంశీ, జ‌య‌కుమార్ త‌దిత‌రులు నటిస్తున్న ఈ మూవీకి ద‌ర్శ‌కుడు: ర‌జ‌త్ ర‌విశంక‌ర్, నిర్మాత‌లు: ఎస్ ల‌క్ష్మ‌ణ్ కుమార్, ఠాగూర్ మ‌ధు, నిర్మాణ సంస్థ‌లు: ప్రిన్స్ పిక్చ‌ర్స్, లైట్ హౌజ్ మూవీ మేక‌ర్స్, రిల‌య‌న్స్ ఎంట‌ర్ టైన్మెంట్, స‌మ‌ర్ప‌ణ‌: రిల‌య‌న్స్ ఎంట‌ర్ టైన్మెంట్స్, సంగీతం: హ‌రీష్ జయ‌రాజ్, సినిమాటోగ్ర‌ఫీ: వేల్రాజ్, ఆర్ట్: రాజీవ‌న్, ఎడిట‌ర్: రూబెన్
విఎఫ్ఎక్స్: హ‌రిహ‌ర‌సుధ‌న్ .

Comments

English summary

Karthi 's DEV releasing on Feb 14th. The makers have also confirmed the audio launch date on January 14th. Harris Jayaraj is composing music for this film and the songs released so far have garnered a decent response.

Story first published: Thursday, January 10, 2019, 20:24 [IST]

Other articles published on Jan 10, 2019