Don't Miss!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- News న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
చిరంజీవి, మహేష్ బాబుపై కార్తికేయ కామెంట్స్.. 90ML కాదు 900ML కిక్
Rx100 సినిమాతో తనకంటూ ఓ ప్రత్యేక గుర్తింపు తెచ్చుకున్నాడు హీరో కార్తికేయ. ఈ సినిమాతో యూత్ ఫాలోయింగ్ పెంచుకున్న ఈ హీరో.. ఇప్పుడు సరికొత్త కిక్ ఇవ్వడానికి 90ML మరో డిఫరెంట్ సినిమాతో ప్రేక్షకుల ముందుకు రాబోతున్నాడు. కొత్త దర్శకుడు శేఖర్ రెడ్డి యర్ర దర్శకత్వంలో తెరకెక్కుతున్న ఈ సినిమాను కార్తికేయ క్రియేటివ్ వర్క్స్ బ్యానర్పై అశోక్ రెడ్డి గుమ్మకొండ నిర్మించారు. నేహా సోలంకి హిరోయిన్ గా నటించింది. లవ్ అండ్ యూత్ ఫుల్ ఎంటర్టైనర్గా రూపొందిన ఈ చిత్రం డిసెంబర్ 5న గ్రాండ్ గా విడుదల కానుంది. ఈ సందర్బంగా శనివారం చిత్ర యూనిట్ గ్రాండ్గా ప్రీ రిలీజ్ వేడుక నిర్వహించింది.
అజయ్ భూపతి చేతుల మీదుగా బిగ్ సీడీ
ఈ వేడుకలో డైరెక్టర్ అజయ్ భూపతి సినిమా బిగ్ సీడీని లాంచ్ చేశారు.సినీ ప్రముఖులు సందీప్ కిషన్, జానీ మాస్టర్, రోల్ రిడా, తాగుబోతు రమేష్, విఠల్ రెడ్డి, రజిని, వంటి ప్రముఖులు పాల్గొన్నారు. సందడి సందడిగా సాగిన ఈ వేడుకలో డాన్సులు, కార్తికేయ ముచ్చట్లు ఆకట్టుకున్నాయి.
ఆ డైరెక్టర్ ఫోన్ చేసి సెట్ అవుతుందని అన్నారు
ఈ సందర్బంగా అజయ్ భూపతి మాట్లాడుతూ.. కార్తికేయ క్రియేటివ్ వర్క్స్ నా కోసమే పుట్టింది. RX100 మూవీతో మంచి హిట్ అందుకున్నాము. ఇప్పుడు 90ML కూడా మరో సక్సెస్ సాధించి ప్రొడ్యూసర్కి మంచి లాభాలు అందించాలని కోరుకుంటున్నా. Rx100 ట్రైలర్ రిలీజ్ కాగానే ఈ సినిమా డైరెక్టర్ శేఖర్ ఫోన్ చేసి 90ML కథ అతనికి కరెక్ట్గా సెట్ అవుతుందని చెప్పి ఫస్టాఫ్ చెప్పారు. మా సినిమా రిలీజ్ అయ్యి హిట్ అయిన తర్వాత మళ్ళీ కార్తికేయ గుర్తుపెట్టుకొని ఈ కథ సెకండాఫ్ విని ఒకే చేశాడు. ఈ నెల 5న అందరు థియేటర్కి వెళ్లి సినిమా చూడండి. చిత్ర యూనిట్ అందరికి ఆల్ ది బెస్ట్. కార్తికేయతో మరో సినిమా తప్పకుండా చేస్తా'' అన్నారు.
వెటర్నరీ డాక్టర్ హత్య గురించి మాట్లాడిన యంగ్ హీరో
సందీప్ కిషన్ మాట్లాడుతూ.. ''నిన్న ఒకరోజు మొత్తం నాలో చాలా కోపం వచ్చింది. ప్రియాంక రెడ్డి ఘటన నన్ను చాలా కలచివేసింది. ముందుగా ఆమె కోసం పోలీస్ స్టేషన్ ముందుకు వెళ్లి నిరసనలు తెలిపిన జనాలను ప్రశంసించి తీరాలి. ఇక సినిమా విషయానికి వస్తే.. నాకు ఒక మంచి తమ్ముడు లాంటి వ్యక్తి కార్తికేయ. పర్సనల్ లైఫ్లో ఎన్నో విషయాల్లో నన్ను ఆకర్షించారు. చాలా కష్టపడే వ్యక్తి. అతనికి ఈ సినిమా మాంచి గుర్తింపు తేవాలని కోరుకుంటున్నా'' అన్నాడు.
ప్రతి సీన్లో కార్తికేయ.. హీరోయిన్ కామెంట్స్
హీరోయిన్ నేహా సోలంకీ మాట్లాడుతూ.. ''అందరికీ నమస్కారం. ముందుగా డైరెక్టర్ శేఖర్ రెడ్డిగారికి ప్రత్యేక కృతజ్ఞతలు చెప్పాలి. 90ML లాంటి మంచి కథను రాసి అందులో నన్ను హీరోయిన్ పాత్రకు సెలెక్ట్ చేసుకోవడం చాలా హ్యాపీగా ఉంది. నిర్మాత అశోక్ రెడ్డి గారు కూడా నాకు చాలా సపోర్ట్ చేశారు. హీరో కార్తికేయ ప్రతి సీన్లో సపోర్ట్ చేసినందుకు స్పెషల్గా థ్యాంక్స్ చెబుతున్నా. మరోసారి అతనితో వర్క్ చేయాలని ఉంది'' అన్నారు.
రాహుల్ సిప్లిగంజ్ మాట్లాడుతూ..
''వేడుకలో ఒక సింగర్గా నాకు మంచి గౌరవం దక్కింది. అంతా అభిమానుల దయవల్లే. కార్తికేయ బ్రదర్కి చాలా సింపుల్గా ఉండే వ్యక్తి. అతనికి ఈ మూవీ కెరీర్ లోనే బెస్ట్ హిట్ అవ్వాలని కోరుకుంటున్నా. ఇక ఈ సినిమాలో రెండు పాటలు నాతో పాడించిన అనూప్ రూబెన్స్ గారికి చాలా కృతజ్ఞతలు. నాకు మొదటి అవకాశం ఇచ్చింది కూడా ఆయనే. చిత్రయూనిట్ కి ఆల్ ది బెస్ట్'' అన్నాడు.
Recommended Video
నా దృష్టిలో వాళ్ళే నిజమైన హీరోలు
హీరో కార్తికేయ మాట్లాడుతూ.. ''ఇదొక ఫ్యామిలీ ఈవెంట్లా ఉంది. ఇంతగా సపోర్ట్ ఇచ్చిన అభిమానులకు ముందుగా నా ప్రత్యేక కృతజ్ఞతలు. మొదట దర్శకుడు శేఖర్ వేరే కథ చెప్పారు. ఆ తరువాత ఫస్టాఫ్ వరకు సెట్ చేసుకున్న 90ML అనే కథ చెప్పారు. మందు తాగకపోతే బ్రతకని ఒక వ్యక్తి అలాగే మందు వాసన అంటే పడని ఒక తండ్రి యొక్క కూతురికి మధ్య నడిచే లవ్ స్టోరీ అనగానే నాకు బాగా నచ్చేసింది. ఒకరోజు ఫోన్ చేసి 90ML టైటిల్ అనగానే డిఫరెంట్గా అనిపించింది. అప్పుడే మంచి బడ్జెట్లో సినిమాను నిర్మించాలని సొంతంగా మా హోమ్ బ్యానర్ లో సినిమాని నిర్మించడం జరిగింది. మెగాస్టార్ చిరంజీవి సినిమాలు చూసి హీరో అవ్వాలని అనుకున్నా. నా దృష్టిలో మెగాస్టార్, మహేష్ నిజమైన హీరోలు. వారే నాకు స్ఫూర్తి. ఫైనల్గా డిసెంబర్ 5న మా సినిమాతో 90ML కాదు.. 900ML కిక్ వస్తది. ఈ సినిమా ఆల్కహాలిక్ని ప్రోత్సహించదు'' అన్నాడు.