Don't Miss!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- News న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
కార్తికేయ నెక్ట్స్ మూవీకి ఎవరూ ఊహించని టైటిల్!
'ఆర్ఎక్స్ 100' ఫేం కార్తికేయ త్వరలో మరో భిన్నమైన సినిమాతో ప్రేక్షకుల ముందుకు రాబోతున్నారు. 'ఆర్ఎక్స్ 100' మూవీ నిర్మించి కార్తికేయ క్రియేటివ్ వర్క్స్ బేనర్లో ప్రొడక్షన్ నెంబర్ 2గా ఈ సినిమా రాబోతోంది. దీనికి '90 ఎంఎల్' అనే టైటిల్ ఖరారు చేస్తూ సోమవారం పోస్టర్ రిలీజ్ చేశారు.
చుట్టూ మందు సీసాల మధ్య కార్తికేయ కూర్చుని డిఫరెంటుగా ఫస్ట్ లుక్ డిజైన్ చేశారు. ప్రొడక్షన్ నెంబర్ 2గా తెరకెక్కనున్న ఈ చిత్రానికి అశోక్ రెడ్డి నిర్మాత. శేఖర్ రెడ్డి దర్శకుడిగా పరిచయం కాబోతున్నాడు. రెండు రోజుల క్రితం ఈ సినిమా ప్రీ పోస్టర్ రిలీజ్ చేసినపుడు పాల సీసాలో మందు, దాన్ని పట్టుకోవడానికి పసివాడు ప్రయత్నిస్తున్న చూపించారు.
ప్రీ పోస్టర్, పస్ట్ లుక్ పోస్టర్ చూస్తుంటే... సినిమా అంతా కూడా మద్యం అలవాటు, యువతకు సంబంధించిన అంశాలతో సాగుతుందని స్పష్టమవుతోంది. అయితే ఇందులో హీరోయిన్ ఎవరు? ఇంతర వివరాలు ఏమిటి అనేది తెలియాల్సి ఉంది.
గతంలో 90ఎంఎల్ పేరుతో తమిళంలో ఓవియా ప్రధాన పాత్రలో తమిళంలో ఓ మూవీ వచ్చింది. అయితే ఈ మూవీ తెలుగులో రిలీజ్ ప్లాన్ చేశారు కానీ ఎందుకో ఆగిపోయింది. మరి ఈ సినిమాకు, ఆ సినిమాకు ఏమైనా లింకు ఉందా? ఈ టైటిల్ పెట్టడానికి కారణమేంటి అనేది తెలియాల్సి ఉంది.
'ఆర్ఎక్స్ 100' విజయం తర్వాత కార్తికేయ హిప్పి, గుణ 369 చిత్రాలు చేశారు. అయితే ఈ రెండు చిత్రాలు బాక్సాఫీస్ వద్ద ఆశించిన స్థాయిలో ఫలితాలు ఇవ్వలేకపోయాయి. ఈ నేపథ్యంలో '90 ఎంఎల్' మూవీ కథ విభిన్నంగా ఎంచుకున్నట్లు తెలుస్తోంది.