ఫ్యాన్సీ ధర పలికిన 90ML.. డిమాండ్ భారీ గానే ఉందే!

తొలి సినిమా Rx100 తోనే విజయం సాధించి కెరీర్‌‌కి సూపర్ ఓపెనింగ్ ఇచ్చాడు హీరో కార్తికేయ. ఆ తర్వాత కూడా హిప్పీ లాంటి సినిమాతో తనదైన నటన కనబర్చి యువతకు క్రేజీ హీరోగా మారాడు. దీంతో ఆయనకు వరుస సినిమా అవకాశాలు తలుపుతడుతున్నాయి. ఈ నేపథ్యంలో కార్తికేయ చేసిన తాజా సినిమా 90ML.

ఇప్పటికే షూటింగ్ పూర్తి చేసుకున్న ఈ సినిమా రిలీజ్ డేట్ ఫిక్స్ అయింది. డిసెంబర్ 5వ తేదీన 90ML సినిమాను ప్రేక్షకుల ముందుకు తీసుకురానున్నట్లుగా ప్రకటించారు. దీంతో ఈ సినిమా ప్రమోషన్స్ వేగవంతం చేసింది చిత్రయూనిట్. ఇందులో భాగంగా ఇప్పటికే విడుదలైన 90ML సాంగ్స్, ఇతర అప్‌డేట్స్ ఈ సినిమాపై హైప్ క్రియేట్ చేయడంతో భారీ డిమాండ్ ఏర్పడింది.

దీంతో 90ML థియేట్రికల్ రైట్స్ తీసుకోవడానికి పలు సంస్థలు పోటీపడ్డాయని తెలిసింది. చివరకు ఫ్యాన్సీ రేటు చెల్లించి శ్రీ వైష్ణవి ఎంటర్టైన్మెంట్స్ వారు ఈ చిత్ర థియేట్రికల్ రైట్స్ సొంతం చేసుకున్నారని తెలుస్తోంది. రొమాంటిక్ యాక్షన్ ఎంటర్టైనర్‌గా రాబోతున్న ఈ చిత్రంలో కార్తికేయ సరసన నేహా సోలంకి హీరోయిన్‌గా నటిస్తోంది.

కార్తికేయ క్రియేటివ్‌ వర్క్స్‌ బ్యానర్‌పై ఎర్రా శేఖర్ రెడ్డి దర్శకత్వంలో రూపొందుతున్న ఈ చిత్రానికి అశోక్ గుమ్మకొండ నిర్మాతగా వ్యవహరిస్తున్నాడు. అనూప్‌ రూబెన్స్‌ సంగీతం సమకూరుస్తున్నాడు. చిత్రం అంతా వినోదాత్మకంగా సాగుతుందని యూనిట్ చెబుతోంది. రీసెంట్‌గా అజర్‌బైజాన్‌లో మూడు పాటలు చిత్రీకరించారు. ఆ పాటలు సినిమాకు హైలైట్‌గా నిలుస్తాయని తెలుస్తోంది. ఈ సినిమాతో కార్తికేయ అభిమానులకు మరో కిక్కివ్వబోతున్నామని అంటోంది చిత్రయూనిట్.