బెల్లంకొండ శ్రీనివాస్-కాజల్ మూవీ ‘కవచం’ టీజర్ ఎప్పుడంటే?

బెల్లంకొండ సాయి శ్రీనివాస్, కాలజ్ అగర్వాల్ జంటగా నటిస్తున్న 'కవచం' మూవీ టీజర్ నవంబర్ 12న విడుదల చేయడానికి ప్లాన్ చేస్తున్నారు. దీపావళి సందర్భంగా ఈ చిత్రానికి సంబంధించిన ఫస్ట్ లుక్ పోస్టర్ విడుదల చేశారు. ఇందులో శ్రీనివాస్ డైనమిక్ పోలీస్ ఆఫీసర్‌గా కనిపించారు.

థ్రిల్లర్ కాన్సెప్టుతో తెరకెకకుతున్న ఈ చిత్రానికి కొత్త డైరెక్టర్ శ్రీనివాస్ మామిళ్ల దర్శకత్వం వహిస్తున్నారు. మెహ్రీన్, హర్షవర్ధన్ రాణె, బాలీవుడ్ యాక్టర్ నీల్ నితిన్ ముఖేష్, పోసాని కృష్ణ మురళి, సత్యం రాజేష్, అపూర్వ కీలకమైన పాత్రల్లో నటిస్తున్నారు.

పాటలు మినహా ఈ చిత్రానికి సంబంధించిన టాకీ పార్ట్ షూటింగ్ పూర్తయింది. ఎస్.ఎస్. థమన్ సంగీతం అందిస్తున్న ఈ చిత్రానికి చోటా కే నాయుడు సినిమాటోగ్రఫీ అందిస్తున్నారు. వంశధార క్రియేషన్స్ బ్యానర్ పై ప్రొడక్షన్ నెంబర్ 1 గా వస్తున్న ఈ సినిమాని నవీన్ సొంటినేని(నాని) నిర్మిస్తున్నారు.

డిసెంబర్లో ఈ మూవీ ప్రేక్షకుల ముందుకు వచ్చే అవకాశం ఉంది. త్వరలోనే రిలీజ్ డేట్ ప్రకటించనున్నారు. బెల్లంకొండ శ్రీనివాస్ ఈ చిత్రంపై భారీ అంచనాలు పెట్టుకున్నారు. అతడి గత చిత్రం సాక్ష్యం బాక్సాఫీసు వద్ద ఆశించిన ఫలితాలు ఇవ్వలేదు.