ఈ పరిస్థితుల్లో పెళ్లా? నోరు విప్పిన కీర్తి సురేష్.. ఏమని చెప్పిందంటే!!

టాలీవుడ్ టాప్ హీరోయిన్.. జాతీయ ఉత్తమ నటి 1

చేసింది తక్కువ సినిమాలే అయినా టాలీవుడ్ టాప్ హీరోయిన్ లెవల్ క్రేజ్ కొట్టేసింది కీర్తిసురేష్. మహానటి సావిత్రి బయోపిక్ 'మహానటి' చిత్రంలో ఆమె పాపులారిటీ రెట్టింపయింది. కోట్లాది మంది ప్రేక్షకులను ఆకర్షించిన ఈమె జాతీయ ఉత్తమ నటి అవార్డును కూడా అందుకుంది.

ఆలోచనలో పడిన కీర్తిసురేష్ తల్లిదండ్రులు

కాగా కీర్తిసురేష్ పెళ్లి విషయమై ఆమె తల్లిదండ్రులు సురేష్, మేనక ఆలోచనలు చేస్తున్నారని, ఈ నేపథ్యంలోనే తమ కుమార్తెకు తొందరలో పెళ్లి చేసి ఓ ఇంటి దాన్ని చేయాలనే ప్రయత్నాలను ముమ్మరం చేశారని వార్తలు షికారు చేస్తున్నాయి. అంతేకాదు బీజేపీ పార్టీలో కీలకంగా కొనసాగుతున్న ఓ వ్యాపారవేత్త కుమారుడితో ఆమె పెళ్లి ఖాయమైందని చెప్పుకుంటున్నారు.

Recommended Video

Keerthy Suresh To Marry A VIP's Son?

అతిత్వరలో కీర్తి సురేష్ పెళ్లి.. హీరోయిన్ రియాక్షన్

తల్లిదండ్రులు చేస్తున్న ప్రయత్నాలకు కీర్తి సురేష్ కూడా సానుకూలంగా స్పందించడంతో అతిత్వరలో కీర్తి సురేష్ పెళ్లి జరగనుందని ప్రముఖ మీడియాలో వార్తలు వచ్చాయి. ఆ వార్తలు కీర్తి సురేష్ దృష్టికి రావడంతో ఆమె వెంటనే స్పందించింది. తన పెళ్లిపై వస్తున్న వార్తలు నిజం కాదని చెప్పేసింది.

ఆ మాటచెప్పి ఫుల్‌స్టాప్ పెట్టిన కీర్తి సురేష్

మీడియాలో గానీ, సోషల్ మీడియాలో గానీ దయచేసి ఇలాంటి వదంతులను వ్యాపింప చేయవద్దని కీర్తి సురేష్ కోరింది. మరో ఏడాది సినిమాలతోనే బిజీగా ఉంటానని, వెచ్చే ఏడాది వరకు కాల్‌షీట్స్ ఇచ్చానని, ఇలాంటి పరిస్థితుల్లో పెళ్లెలా చేసుకుంటానని ప్రశ్నించింది కీర్తి సురేష్. దీంతో ఆమె పెళ్లి వార్తలకు ఫుల్‌స్టాప్ పడింది.