తన ఆఫీస్‌లో ఏం జరుగుతుందో చూపించిన కొరటాల శివ.. వీడియో వైరల్

దేశమంతా నీటి ఎద్దడి..

రోజంతా తినకపోయినా ఉండగలిగే మనిషి.. ఒక్క పూట నీటిని తాగకుండా ఉండలేడు. అలాంటి నీటిని ఒడిసిపట్టకుండా విచ్చలవిడిగా వాడుతుండటంతో నీటి కొరతను ఎదుర్కొంటున్నారు. దేశంలో ఎన్నో నగరాలు నీటి ఎద్దడిని అనుభవిస్తున్నాయి. అందులో హైదరాబాద్ కూడా చేరేందుకు సిద్దంగా ఉంది.

ఇంకుడు గుంత నిర్మించిన కొరటాల శివ..

ఇంకుడు గుంతలు వాడి.. నీటి లభ్యతను పెంచుకోవచ్చని ప్రభుత్వాలు అందరికీ అవగాహన కల్పించారు. నగరంలో ఎంతో మంది ఈ ఇంకుడు గుంతలు నిర్మించి ప్రతీ నీటి బొట్టును ఒడిసిపడుతున్నారు. అయితే తన కార్యాలయంలో కూడా నీటిని అలాగే సంరక్షిస్తున్నట్లు కొరటాల శివ ఓ వీడియోను పోస్ట్ చేశాడు.

ప్రతీ వర్షపు బొట్టును..

నా కార్యాలయంలో పడిన ప్రతీ వర్షపు బొట్టును సేవ్ చేస్తున్నాను.. అంటూ షేర్ చేసిన వీడియో అందర్నీ ఆకట్టుకుంటోంది. సినిమాల్లో మంచి మాటలు చెప్పడమే కాదు.. నిజంగా మీరు మంచి పనులే చేస్తున్నారంటూ నెటిజన్లు కొరటాలను పొగుడుతున్నారు. కొరటాల శివ ప్రస్తుతం చిరంజీవీ 152వ చిత్రానికి దర్శకత్వం వహించనున్నాడు.