Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
కేటీఆర్ మెచ్చిన పాట.. తనను వదలడం లేదంటూ సోషల్ మీడియాలో ట్వీట్
తెలంగాణ రాష్ట్ర ఐటీ మినిస్టర్ కె. తారక రామారావు (కేటీఆర్)కు సినీ రంగ ప్రముఖులతో సత్సంబంధాలున్నాయన్న సంగతి తెలిసిందే. మహేష్ బాబు, రామ్ చరణ్ సినిమాలకు ముఖ్య అతిథిగా వెళ్లి సినీ ప్రముఖులతో ఇంటరాక్ట్ అయిన ఘటనలను మనం చూశాం. మంత్రిగా ఎంత బిజీగా ఉన్న సినిమాలను కూడా ప్రేమిస్తాడు.. చిన్న సినిమాలకు ప్రోత్సాహం అందిస్తూ ఉంటాడు. తాజాగా తనను ఓ పాట వదలడం లేదని కేటీఆర్ చేసిన ట్వీట్ వైరల్ అవుతోంది.
సంచలనంగా మారిన సామజవరగమన..
సామజవరగమన అనే పాట కేవలం తెలుగు రాష్ట్రాల్లోనూ కాదు దేశ విదేశాల్లోనూ మార్మోగిపోయింది.. ఇంకా మార్మోగిపోతూనే ఉంది. తెలుగు సినీ ప్రేక్షకులను తన మాయలో పడేసుకున్న పాట సామజవరగమన. ఈ ఒక్క పాటతో తమన్ స్థాయి కొన్ని వేల రేట్లు పెరిగింది. ఈ ఒక్క పాటతో అల వైకుంఠపురములో సినిమా రేంజ్ మారిపోయింది. సోషల్ మీడియాలో, యూట్యూబ్లో ఇలా ఎక్కడ చూసినా సామజవరగమన ప్రభంజనమే కనిపించేది.
|
వదలడం లేదు..
వంద మిలియన్ల వ్యూస్ను సాధించిన మొట్టమొదటి తెలుగు పాటగా స్థానం సంపాదించుకున్న సామజవరగమన.. తనను వదలడం లేదని కేటీఆర్ ట్వీట్ చేశాడు. దావోస్లో జరుగుతున్న వరల్డ్ ఎకనమిక్ ఫోరమ్ కార్యక్రమానికి వెళ్లిన కేటీఆర్ ఆ పాటను వింటూ ఉన్నాడట. ఫ్లైట్ ఆలస్యమైందని, తన ఫోన్లో ఉన్న సామజవరగమన తనకు కంపెనీ ఇస్తోందని తెలిపాడు. వాటే బ్రిలియంట్ సాంగ్. ఇది తన మైండ్లోంచి వెళ్లడం లేదని ట్వీట్ చేశాడు.
మరింత సెన్సేషనల్..
ఈ ట్వీట్కు తమన్ స్పందిస్తూ.. ‘సర్ మీలాంటి వ్యక్తుల నుంచి ఇలాంటివి రావడంతో మా పాట ఇంకా సెన్సేషనల్ అయింది. సామజవరగమన పాట మీకు నచ్చినందుకు చాలా ఆనందంగా ఉంద'ని అన్నాడు. తమన్ సంగీతం అందించిన అల వైకుంఠపురములో ఘన విజయం సాధించిన సంగతి తెలిసిందే.
బ్లాక్ బస్టర్ దిశగా..
ఇప్పటికే ఓవర్సీస్లో అల్లు అర్జున్ కెరీర్లోనే ఆల్ టైమ్ హిట్గా నిలిచింది. మూడు మిలియన్ల మార్క్ను టచ్ చేసి చిరంజీవి రికార్డులను బద్దలు కొట్టేశాడు. తెలుగు రాష్ట్రాల్లోనూ భారీ వసూళ్లను కొల్లగొడుతూ ఇండస్ట్రీ రికార్డులపై కన్నేశాడు.