Liger సినిమా బడ్జెట్ ఎక్కువైంది.. చేతిలో రూపాయి లేదు.. ఇంటర్వ్యూలో ఛార్మి కంటతడి!

పవర్ఫుల్ కాంబినేషన్

ఇస్మార్ట్ శంకర్ సినిమాతో ఫుల్ ఫామ్ లోకి వచ్చేసిన డేరింగ్ అండ్ డాషింగ్ డైరెక్టర్ పూరి జగన్నాథ్ విజయ్ దేవరకొండతో చేస్తున్న మొట్టమొదటి సినిమా టైగర్.. అది కూడా ఫ్యాన్ ఇండియా ప్రాజెక్టుగా తెరపైకి వస్తూ ఉండడం ఆసక్తికరంగా మారింది. గతంలో ఎప్పుడూ లేనివిధంగా పూరి జగన్నాథ్ మొదటిసారి ఒక ప్రాజెక్టు కోసం అత్యధిక సమయాన్ని తీసుకున్నాడు. ఇక ఈ సినిమా ఆగస్టు 25వ తేదీన ప్రపంచవ్యాప్తంగా భారీ స్థాయిలో విడుదల కాబోతోంది.

నార్త్ లో విజయ్ రేంజ్

గ్యాప్ లేకుండా చిత్ర యూనిట్ సభ్యులు ప్రమోషన్స్ కూడా చేస్తున్నారు. ముఖ్యంగా విజయ్ దేవరకొండ ఎక్కడికి వెళ్లినా కూడా జనాలు భారీ సంఖ్యలో ఎగబడుతున్నారు. తెలుగు రాష్ట్రాల్లో అలాగే సరిహద్దు రాష్ట్రాల్లో జనాలు రావడం మామూలే.. కానీ ఇంతవరకు నార్త్ ఇండస్ట్రీలో విజయ్ దేవరకొండ పెద్దగా హడావిడి చేసింది లేదు. అలాంటిది అతని వస్తున్నాడు అంటే అక్కడి యువత భారీ సంఖ్యలో విజయ్ ను చేసేందుకు ఎగబడుతూ ఉండడం ఆశ్చర్యాన్ని కలిగిస్తోంది.

యూనిట్ స్పెషల్ ఇంటర్వ్యూ

నార్త్ ఇండస్ట్రీలో మొన్నటి వరకు చాలా బిజీగా ప్రమోషన్స్ చేసిన చిత్ర యూనిట్ సభ్యులు ఇప్పుడు సౌత్ ఇండస్ట్రీలో కూడా హడావిడి మొదలుపెట్టారు. ఇక ప్రత్యేకంగా ఇంటర్వ్యూలు కూడా ఇస్తున్నారు. రీసెంట్ గా పూరి జగన్నాథ్ విజయ్ దేవరకొండ చార్మి ముగ్గురు కలిసి ఒక ఇంటర్వ్యూ ఇవ్వడం జరిగింది. ఈ సినిమాకు చార్మి సహ నిర్మాతగా వ్యవహరిస్తున్న విషయం తెలిసిందే. అయితే ఆమె మాట్లాడుతూనే కొంత ఎమోషనల్ గా కూడా ఫీలయ్యారు.

బడ్జెట్ ఎక్కువయ్యింది

సినిమా గురించి అనేక విషయాలపై మాట్లాడిన ఛార్మి బడ్జెట్ విషయానికి వచ్చేసరికి కొంత ఎమోషనల్ గా స్పందించారు. బడ్జెట్ ఒక విధంగా అనుకున్న దానికంటే ఎక్కువగా పెరిగిపోయింది. చేతిలో ఒక్క రూపాయి కూడా లేదు. అలాంటి సమయంలో ఓటీటీ నుంచి చాలా గొప్ప ఆఫర్ అయితే వచ్చింది. అలాంటి సమయంలో ఆ ఆఫర్ వదులుకోవాలి అంటే కూడా ధైర్యం కావాలి అని చార్మి వివరణ ఇవ్వడం ఆ ఇంటర్వ్యూలో హైలెట్ గా నిలిచింది.

ఛార్మి కంటతడి

అలాగే ఇంత కష్టపడి ఈ సినిమాను తీశారు కదా జనాలు థియేటర్ వరకు రాకపోతే పరిస్థితి ఏమిటి అనే ప్రశ్న గురించి కూడా చర్చించుకోవడం ఆసక్తిగా ఉంది. అందులో ఛార్మి కంటతడి పెట్టుకున్నారు. ఇక ఈ ఫుల్ ఇంటర్వ్యూ వీడియోను పూరి జగన్నాథ్ తన యూట్యూబ్ ఛానల్ లో త్వరలోనే రిలీజ్ చేయబోతున్నాడు. ఏదేమైనా కూడా చిత్ర యూనియ్ సభ్యులు రియాలిటీ కి తగ్గట్టుగానే ఇంటర్వ్యూలో తీసుకుంటున్నట్లు అనిపిస్తుంది. మరి ఈ సినిమా బాక్స్ ఆఫీస్ వద్ద ఎలాంటి రికార్డులను క్రియేట్ చేస్తుందో చూడాలి.