‘మహర్షి’ రికార్డుల మోత షురూ... యూఎస్ఏలో ‘బాహుబలి 2’ రికార్డ్ బద్దలు!

2500లకుపైగా ప్రీమియర్ షోలు

యూఎస్ఏ వ్యాప్తంగా ‘మహర్షి' చిత్రాన్ని 260 లొకేషన్లలో విడుదల చేసేందుకు ఏర్పాట్లు చేశారు. మహేష్ బాబు కెరీర్లోనే ఇది హయ్యెస్ట్ రికార్డ్. మహేష్ బాబు మేనియాను క్యాష్ చేసుకునేందుకు ఇండియా కంటే ఒకరోజు ముందు మే 8వ తేదీన ఓవర్సీస్ మార్కెట్లో దాదాపు 2500 షోలు ప్రదర్శిస్తున్నారు.

కలెక్షన్ల పరంగా బాహుబలి 2ను మించిపోతుందా?

‘బాహుబలి 2' చిత్రాన్ని అప్పట్లో దాదాపు 2000 ప్రీమియర్ షోలు వేశారు. ఇండియన్ ఫిల్మ్ చరిత్రలోనే ఇది హయ్యెస్ట్. ఇపుడు ‘మహర్షి' ఆ రికార్డ్ బద్దలు కొట్టడమే కాదు... రాబోయే సినిమాలకు పెద్ద బెంచ్ మార్క్ సెట్ చేసి పెట్టింది. అప్పట్లో బాహుబలి ప్రీమియర్ షోల ద్వారా 3 మిలియన్ డాలర్ వసూలు చేసింది. మరి ‘మహర్షి' ఆ రికార్డ్ బద్దలు కొడుతుందా? లేదా? అనేది ఆసక్తికరంగా మారింది.

భారీగా అడ్వాన్స్ బుకింగ్

‘మహర్షి' యూఎస్ఏ ప్రీమియర్ షోలకు సంబంధించిన అడ్వాన్స్ బుకింగ్ మే 3వ తేదీనే మొదలైంది. కొన్ని లొకేషన్లలో టికెట్స్ మీద ఆఫర్స్ కూడా ఉన్నాయి. కొన్ని చోట్ల డిస్కౌట్లు అందుబాటులో ఉన్నట్లు గ్రేట్ ఇండియా ఫిల్మ్స్ ట్విట్టర్ ద్వారా వెల్లడించింది. ఇప్పటికే దాదాపు సగం టిక్కెట్లు అమ్ముడైనట్లు సమాచారం. మే 8వ తేదీ వరకు అన్ని చోట్లా హౌస్ ఫుల్ బోర్డులు దర్శనమిచ్చే అవకాశం ఉంది.

ఓవర్సీస్ రైట్స్ ఎంతకు అమ్మారు?

మహేష్ బాబు గత చిత్రం ‘భరత్ అనే నేను' ఓవర్సీస్ మార్కెట్లో లైఫ్ టైమ్ రన్‌లో రూ. 30 కోట్ల గ్రాస్ వసూలు చేయడంతో పాటు రూ. 16 కోట్ల షేర్ రాబట్టింది. అయితే అప్పట్లో ఆ సినిమాకు రూ. 18.50 కోట్లు ఇన్వెస్ట్ చేయడంతో వర్కౌట్ కాలేదని టాక్. ‘మహర్షి' సినిమాను రూ. 18 కోట్లు దిల్ రాజు బేరం పెట్టారని, ఎవరూ అంత భారీ మొత్తం పెట్టడానికి ముందుకు రాక పోవడంతో గ్రేట్ ఇండియా ఫిల్మ్స్ రూ. 14 కోట్లకు డీల్ సెట్ చేసుకున్నట్లు తెలుస్తోంది.