నమ్రత విషయంలో నేను ఇన్వాల్వ్ కాను.. ఆమె చాలా స్ట్రిక్ట్.. మహేష్ బాబు

నాలుగేళ్ళ వయసులోనే మీ సినీ జర్నీ స్టార్ట్ అయింది.. మీ ఫీలింగ్స్ ఏంటి?

దీనిపై స్పందిస్తూ నా సినిమా జర్నీ గురించి చెప్పాలంటే మాటలు చాలవు. ఎంతో సంతృప్తికరంగా, వినయ పూర్వకంగా ఈ జర్నీ సాగింది. మా నాన్న గారి ఫ్యాన్స్, నా ఫ్యాన్స్ నన్ను నా వెన్నంటి ప్రోత్సహిస్తూ ఈ జర్నీలో భాగమవుతున్నారు. మంచి సినిమాలు తీస్తూ ప్రేక్షకులను ఎంటర్ టైన్ చేయడమే నా ప్రధాన లక్ష్యం అని మహేష్ అన్నారు.

మొదటి సినిమా చేసి 20 ఏళ్లయింది.. ఇంకా 25 సినిమాలే.. దీనిపై మీ స్పందన

నాకైతే సినిమాలు తొందర తొందరగా చేయాలనే ఆలోచనలు లేవు. సెలెక్టెడ్ సినిమాలు చేస్తూ నా అభిమానులకు, ప్రేక్షకులకు వినోదం పంచడమే ధ్యేయంగా సినిమాలు చేస్తూ వస్తున్నా. ఇలా కౌంటింగ్ గురించి నేను పట్టించుకోను అని మహేష్ రియాక్ట్ అయ్యాడు.

డైరెక్టర్ ఛాయిస్‌కే ప్రాధాన్యత ఇస్తా

నేను కేవలం నటున్ని మాత్రమే. నా సినిమాల్లో డైరెక్టర్ కి సూచనలు ఇవ్వడం లాంటివి చేయను. పూర్తిగా డైరెక్టర్ ఛాయిస్ లోనే సెట్స్ పై కదులుతుంటా. ఎందుకంటే ఓ డైరెక్టర్ తన స్క్రిప్ట్ ఎంతో బలంగా తయారు చేసుకుంటాడని నాకు తెలుసు.. అని మహేష్ బాబు అన్నాడు.

నమ్రతేనే నా ప్రధాన బలం

నా సినిమాల విశ్లేషణ పరంగా, నా సొంత క్రిటిక్ గా నమ్రత సూచనలు నాకు మరింత బలాన్నిస్తాయి. ఆమెనే నా ప్రధాన బలం. నేను స్ట్రెస్ గా ఫీల్ అయినపుడు నన్ను కూల్ చేయడంలో నమ్రత, నా పిల్లలు ఎప్పుడూ ముందుంటారు అని మహేష్ పేర్కొన్నాడు.

సితార, గౌతమ్ ఇష్టపడే సినిమాలు

తన సినిమాలన్నీ కూతురు సితార, కొడుకు గౌతమ్ రెగ్యులర్ గా చేస్తుంటారని మహేష్ అన్నాడు. తన సినిమాల్లో సితారకు శ్రీమంతుడు ఇష్టమని, అలాగే గౌతమ్ కి అతడు సినిమా ఇష్టమని మహేష్ చెప్పుకొచ్చాడు.

నమ్రత విషయంలో ఇన్వాల్వ్ కాను

నమ్రత అన్ని విషయాల్లో చాలా కాన్ఫిడెంట్ గా ఉంటుంది. అందుకే ఆమె ప్రొడక్షన్ విషయంలో నా ఇన్వాల్వ్ మెంట్ అసలే ఉండదు. బిజినెస్ పరంగా నమ్రత భేష్ అని నా అభిప్రాయం అని మహేష్ పేర్కొన్నాడు.

నేను కాదు నమ్రతానే స్ట్రిక్ట్

పిల్లల విషయంలో మీ ఇద్దరిలో ఎవరు స్ట్రిక్ట్ అనే దానిపై స్పందించిన మహేష్.. తాను పిల్లలను చాలా గారాబం చేస్తుంటానని, నమ్రతనే చాలా స్ట్రిక్ట్ గా ఉంటుందని అన్నాడు. పిల్లల పెంపకంలో కూడా నమ్రతను అభినందించాల్సిందే అని ఈ సందర్బంగా మహేష్ పేర్కొన్నాడు.

సరిలేరు నీకెవ్వరు

మహేష్ బాబు 26 వ సినిమాగా అనిల్ రావిపూడి దర్శకత్వంలో సరిలేరు నీకెవ్వరు సినిమా రూపొందుతోంది. ఈ చిత్రంలో మహేష్ సరసన రష్మిక మందన్న హీరోయిన్ గా నటిస్తోంది. మరి కొద్ది రోజుల్లోనే ఈ సినిమా రెగ్యులర్ షూటింగ్ ప్రారంభం కానుంది.