మహేష్ బాబు- అనిల్ రావిపూడి మూవీ టైటిల్ రిజిస్టర్ అయింది!

సరిలేరు నీకెవ్వరు

ఎకె ఎంటర్టెన్మెంట్స్ బేనర్లో అనిల్ సుంకర నిర్మించబోతున్న ఈ చిత్రానికి టైటిల్ ఖరారైనట్లు తెలుస్తోంది. ‘సరిలేరు నీకెవ్వరు' అనే టైటిల్ పరిశీలిస్తున్నారని, మహేష్ బాబు కూడా ఈ టైటిల్ మీద సుముఖంగా ఉండటంతో రిజిస్టర్ చేసినట్లు టాక్. సమాజంలోకి ఒక ఇంపార్టెంట్ మెసేజ్ తీసుకెళ్లే కథ కాబట్టి ఈ టైటిల్ అద్భుతంగా ఉందనే అభిప్రాయాలు వ్యక్తం అవుతున్నాయి.

రష్మికకు బంపర్ ఛాన్స్

ఈ చిత్రంలో మహేష్ బాబు సరసన రష్మిక మందన్న హీరోయిన్‌గా ఎంపికైనట్లు తెలుస్తోంది. మహేష్ స్థాయి స్టార్‌తో ఆమెకు ఇది తొలి అవకాశం. అయితే సినిమాకు సంబంధించిన ఏ విషయం ఇంకా అఫీషియల్‌గా ప్రకటించలేదు. ప్రారంభోత్సవ కార్యక్రమంలో అన్ని విషయాలు అఫీషియల్‌గా ప్రకటించే అవకాశం ఉంది.

విజయశాంతి రీ ఎంట్రీ మూవీ

ప్రముఖ నటి, నిన్నటి తరం స్టార్ హీరోయిన్ విజయశాంతి ఈ చిత్రంలో కీలకమైన పాత్ర పోషిస్తున్నట్లు తెలుస్తోంది. పాలిటిక్స్‌లోకి ఎంటరైన తర్వాత చాలా కాలంగా సినిమాలకు దూరంగా ఉంటున్న విజయశాంతి ఇపుడు తెరంగ్రేటం చేస్తుండటం కూడా ఈ మూవీపై అంచనాలు పెంచింది.

దేవిశ్రీ ప్రసాద్ మరోసారి

ఈ సినిమాకు కూడా మరోసారి దేవిశ్రీ ప్రసాద్ ఎంపికయ్యారు. మహేష్ బాబు గత చిత్రాలైన శ్రీమంతుడు, భరత్ అనే నేను చిత్రాలకు హిట్ మ్యూజిక్ అందించిన దేవిశ్రీ మరోసారి సూపర్ స్టార్‌కు సంగీతం అందించే అవకాశం దక్కించుకున్నాడు. ఇతర టెక్నీషియన్ల వివరాలు త్వరలో వెల్లడికానున్నాయి.