హోమ్

లేటేస్ట్ న్యూస్

నేడు (డిసెంబర్ 12) సౌత్ ఇండియన్ సూప‌ర్ స్టార్ ర‌జనీకాంత్ 70వ పుట్టిన రోజు. 69 వసంతాలు పూర్తిచేసుకొని 70వ వసంతంలోకి అడుగుపెట్టిన సందర్భంగా ఆయనకు పలువురు సినీ ప్రముఖులు, అభిమానులు పెద్ద ఎత్తున శుభాకాంక్షలు తెలుపుతున్నారు.

ఈ నేపథ్యంలోనే టాలీవుడ్ సూపర్ స్టార్ మహేష్ బాబు, రజినీకి పుట్టిన రోజు శుభాకాంక్షలు తెలుపుతూ ట్వీట్ చేశారు. 'మా త‌లైవా ర‌జ‌నీకాంత్ స‌ర్‌కి జ‌న్మ‌దిన శుభాకాంక్ష‌లు. ఈ ఏడాది మీరు ఆయురాగ్యాలతో, సంతోషంగా ఉండాల‌ని కోరుకుంటున్నాను. మీపై ప్రేమ‌, గౌరవం మాకు ఎప్ప‌టికీ ఇలాగే ఉంటాయి' అని పేర్కొన్నాడు మహేష్. ఈ ట్వీట్ చూసి మహేష్ అభిమాన వర్గమంతా తలైవాకు బర్త్ డే విషెష్ చెబుతున్నారు.

రజనీకాంత్‌ ప్రస్తుతం దర్బార్ సినిమాలో నటిస్తున్నాడు. ఏఆర్ మురుగదాస్ దర్శకత్వంలో తెరకెక్కుతున్న ఈ సినిమాలో రజినీకాంత్ జోడీగా నయనతార నటిస్తోంది. సంక్రాంతి కానుకగా ఈ సినిమా విడుదలకు సిద్ధమైంది. ఇటీవలే ఈ సినిమా ఆడియో వేడుక ఘనంగా జరిగింది.

Happy Birthday to our Thalaiva @rajinikanth sir. Wishing you a phenomenal year with great health and joy. Much love and respect 🙏

— Mahesh Babu (@urstrulyMahesh) December 12, 2019

మరోవైపు మహేష్ బాబు 'సరిలేరు నీకెవ్వరు' సినిమాతో బిజీగా ఉన్నారు. అనిల్ రావిపూడి దర్శకత్వంలో తెరకెక్కిన ఈ సినిమాలో మహేష్ బాబు సరసన రష్మిక మందన్న హీరోయిన్‌గా నటిస్తోంది. విజయశాంతి కీలక పాత్ర పోషిస్తోంది. తమన్నా ఐటెం సాంగ్ చేస్తోంది. దేవిశ్రీ ప్ర‌సాద్ సంగీతం అందించిన ఈ సినిమాపై దేశవ్యాప్తంగా భారీ అంచనాలున్నాయి. సంక్రాంతి కానుకగా జనవరి 11న ఈ సినిమా విడుదల కానుంది.