హోమ్

లేటేస్ట్ న్యూస్

అక్కినేని నాగ‌చైత‌న్య‌, స‌మంత వివాహం తర్వాత క‌లిసి న‌టిస్తున్న తొలి చిత్రం 'మ‌జిలీ'కి ట్రేడ్ సర్కిల్‌లో మంచి డిమాండ్ ఏర్పడింది. శివ నిర్వాణ దర్శకత్వంలో రూపొందుతున్న ఈ చిత్రాన్ని షైన్ స్క్రీన్ బ్యాన‌ర్ పై సాహు గ‌ర‌పాటి, హ‌రీష్ పెద్ది నిర్మిస్తున్నారు. ఏప్రిల్ 5న ఈ చిత్రం ప్రేక్షకుల ముందుకు రాబోతోంది.

ఈ చిత్రాన్ని యూఎస్ఏలో 'మూన్ షైన్' సినిమా వారు విడుదల చేస్తున్నారు. ఇక్కడ ఈ చిత్రాన్ని భారీ ఎత్తున రిలీజ్ చేసేందుకు ప్లాన్ చేస్తున్నారు. ఏప్రిల్ 4న దాదాపు 150కిపైగా లొకేషన్లలో ప్రీమియర్ షోలు వేయబోతున్నారు. నాగ చైతన్య, సమంత కెరీర్లోనే ఇది యూఎస్ఏలో హయ్యెస్ట్ రిలీజ్.

టీజర్ ఆకట్టుకునే విధంగా ఉండటం, ఇప్పటికే విడుదలైన 3 పాటలకు మంచి రెస్పాన్స్ రావడంతో థియేట్రికల్ బిజినెస్‌కు మంచి డిమాండ్ ఏర్పడింది. తెలుగు రాష్ట్రాల్లో పలు ఏరియాల నుంచి డిస్ట్రిబ్యూటర్ల నుంచి ఫ్యాన్సీ ఆఫర్స్ వస్తున్నాయి..

దేర్ ఈజ్ ల‌వ్.. దేర్ ఈజ్ పెయిన్ అనే ట్యాగ్ లైన్‌తో వ‌స్తున్న ఈ మూవీ వైజాగ్ నేప‌థ్యంలో సాగుతుంది. ఇందులో చైతూ క్రికెటర్‌గా కనిపించబోతున్నారు. రావు ర‌మేష్, పోసాని కృష్ణ‌ముర‌ళి, సుబ్బ‌రాజ్ ఈ చిత్రంలో కీల‌క‌పాత్ర‌ల్లో న‌టిస్తున్నారు. గోపీసుంద‌ర్ సంగీతం అందిస్తుండ‌గా.. విష్ణు వ‌ర్మ సినిమాటోగ్ర‌ఫీ అందిస్తున్నారు. షైన్ స్క్రీన్ బ్యాన‌ర్ పై సాహు గ‌ర‌పాటి, హ‌రీష్ పెద్ది మ‌జిలి సినిమాను నిర్మిస్తున్నారు. ఈ చిత్రానికి ర‌చ‌న, ద‌ర్శ‌క‌త్వం: శివ నిర్వాన‌, సంగీతం: గోపీ సుంద‌ర్, సినిమాటోగ్ర‌ఫీ: విష్ణు శ‌ర్మ, ఆర్ట్ డైరెక్ట‌ర్: సాహి సురేష్, ఎడిట‌ర్: ప‌్ర‌వీణ్ పూడి, యాక్ష‌న్: వెంక‌ట్.