మళ్లీ పెళ్లా.. వామ్మో అంటోన్న మంచు వారబ్బాయి

తెలుగు ఇండస్ట్రీలో మంచు ఫ్యామిలీకి ఓ ప్రత్యేకత ఉంటుంది. నిక్కచ్చిగా, నిర్మోహమాటంగా మాట్లాడటం మోహన్ బాబు నైజం. క్రమశిక్షణ పేరిట హింసిస్తాడని అందరూ ప్రేమగా ఫిర్యాదు చేస్తుంటారు. ఆయన వారసత్వంగా వచ్చిన మంచు విష్ణు, మంచు మనోజ్, మంచు లక్ష్మీలు తమకంటూ ఓ గుర్తింపును తెచ్చుకున్నారు. సినిమాల సంగతి ఎలా ఉన్నా వ్యక్తిగత జీవితాల్లో ఎలాంటి వివాదాలు లేకుండా ఉన్నారు.

అయితే తాజాగా మంచు మనోజ్ మాత్రం.. తన భార్యకు విడాకులు ఇచ్చి వార్తల్లో నిలిచాడు. ఇద్దరం ఓ అంగీకారానికి వచ్చే విడాకులు తీసుకుంటున్నామని, కలిసి బతకలేనప్పుడు విడిపోయి స్నేహితుల్లా ఉండాలంటూ.. ఓ ఎమోషనల్ పోస్ట్ చేశాడు. అయితే తదనంతరం సినిమాల్లో బిజీ అయ్యేందుకు ప్రయత్నిస్తూ ఉన్నాడు.

తాజాగా మనోజ్ చేసిన ఓ ట్వీట్సోషల్ మీడియాలో వైరల్ అయింది. ఫైర్‌బాల్‌లా మీ ముందుకు రాబోతున్నా. వారం రోజుల్లో మీకు ఓ ఆసక్తికర విషయాన్ని చెప్పబోతున్నా. వెయిట్‌ చెయ్యండి అని ట్వీట్ చేశాడు. ఈ ట్వీట్‌కు చాలా మంది నెటిజన్లు స్పందించారు. ఒక అభిమాని ఏంటి? మళ్లీ పెళ్లి చేసుకోబోతున్నారా? అని ప్రశ్నించారు. దీనికి స్పందించిన మనోజ్ వామ్మో.. అని రిప్లై ఇచ్చాడు.