హోమ్

లేటేస్ట్ న్యూస్

సాధారణంగా సోషల్ మీడియాలో బెదిరింపులు వస్తుంటాయి. కొందరు వీటిని పట్టించుకోరు. ఇంకొందరు సీరియస్‌గా తీసుకుంటారు. ఆ బెదిరింపులు, వేధింపులు మితిమీరితే అందరూ తిరగబడతారు. తాజాగా ఓ అమ్మాయి తనను వేధిస్తున్నారని ట్విట్టర్‌లో మొర పెట్టుకుంది. రాష్ట్ర డీజీపీని ట్యాగ్ చేస్తూ తన బాధనంతా వివరించింది. అయితే ఆ ట్వీట్‌ను చూసిన మంచు మనోజ్ అమ్మాయికి అండగా నిలబడ్డాడు.

హైద్రాబాద్‌లో కేపీహెచ్‌బీలో ఉంటున్నాను.. నాకు రోజు కొంత మంది మీడియా వాల్లే వేధిస్తున్నారు.. ఫేక్ అకౌంట్స్ క్రియేట్ చేస్తున్నారు.. అసభ్యకరంగా నన్ను వేధిస్తున్నారు. మానసికంగా కృంగిపోయేలా చేస్తున్నారు. వారు జెమినీ మ్యూజిక్ చానెల్‌కు చెందిన వారు అంటూ తన బాధనంతా చెప్పుకొచ్చింది. అయితే ఈ ట్వీట్‌ను చూసిన మనోజ్ సాయం చేసేందుకు ముందుకు వచ్చాడు.

హాయ్ అమ్మ.. నీకు ఇలా జరిగినందుకు క్షమంచండి.. ఆ వ్యక్తుల వివరాలు, ఫోన్ నంబర్స్ నాకు పంపించండి.. నా ఇన్ బాక్స్‌కు మెసెజ్ పెట్టండి అని కోరాడు. ఇక్కడి వరకు అంతా బాగానే ఉంది. అయితే ఈ ట్వీట్ల కింద నెటిజన్లు ఆమె భాగోతాన్ని బయట పెట్టారు.

మొన్నటి బొమ్మ అదిరింది వివాదంలో మెగా ఫ్యాన్స్, జగన్ అభిమానుల మధ్య వార్ జరిగిన సంగతి తెలిసిందే. అందులో ఈ సదరు మహిళ నాగబాబు, మెగా ఫ్యామిలీని తీవ్రంగా ధూషించింది. దానికి సంబంధించిన స్క్రీన్ షాట్లను షేర్ చేస్తూ.. ఆ అమ్మాయికి సాయం చేయకన్నా అంటూ మనోజ్‌ను నెటిజన్లు కోరారు.