Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ఫస్ట్ లుక్ పోస్టర్తో చెలరేగిన వివాదం: క్షమాపణలు కోరుతూ ‘ఆచార్య’ నిర్మాణ సంస్థ వివరణ
తక్కువ బడ్జెట్.. చిన్న చిన్న నటీనటులతో తీసినా.. ఊహించని రీతిలో విజయాన్ని అందుకున్న చిత్రం 'ఏజెంట్ సాయి శ్రీనివాస్ ఆత్రేయ'. సూపర్ హిట్ టాక్తో పాటు భారీ స్థాయిలో కలెక్షన్లను రాబట్టిన ఈ సినిమా పోయిన ఏడాది ఉత్తమ చిత్రాల జాబితాలో నిలిచింది. ఈ సినిమాతో విమర్శల ప్రశంసలను అందుకున్నాడు దర్శకుడు స్వరూప్. తొలి చిత్రంతోనే ఆకట్టుకున్న అతడు.. తాజాగా 'మిషన్ ఇంపాజిబుల్' అనే చిత్రంతో రాబోతున్నాడు. శనివారం ఈ చిత్రం ఫస్ట్ లుక్ పోస్టర్ను చిత్ర యూనిట్ విడుదల చేసింది. వెంటనే దీనిపై ఓ వివాదం చెలరేగింది.
స్వరూప్ ప్రస్తుతం 'మిషన్ ఇంపాజిబుల్' అనే సినిమాను తెరకెక్కిస్తున్నాడు. దీన్ని మ్యాట్నీ ఎంటర్టైన్మెంట్ సంస్థ నిర్మిస్తోంది. తాజాగా ఈ సినిమాకు సంబంధించిన ఫస్ట్ లుక్ పోస్టర్లో శ్రీకృష్ణుడు, శివుడు, హనుమంతుని గెటప్పులలో ముగ్గురు చిన్న పిల్లలు ఉన్నారు. వాల్లు ముగ్గురు చేతుల్లో తుపాకులు పట్టుకుని కనిపిస్తున్నారు. దీంతో తమ మతానికి చెందిన దేవుళ్లను కించపరిచేలా ఈ పోస్టర్ ఉందంటూ కొందరు సోషల్ మీడియా వేదికగా నిర్మాణ సంస్థ దృష్టికి తీసుకెళ్లారు. అంతేకాదు, దీన్ని తీసేయకపోతే ఫిర్యాదు చేస్తామని బెదిరించారు.
కొందరి నుంచి వచ్చిన ఫీడ్బ్యాక్ను గమనించిన మాట్నీ ఎంటర్టైన్మెంట్ సంస్థ.. ఈ పోస్టర్ను రద్దు చేస్తున్నట్లు ప్రకటించింది. అంతేకాదు, ఈ మేరకు సంస్థ తరపున ఓ నోట్ కూడా విడుదల చేసింది. తాము విడుదల చేసిన పోస్టర్ కొందరిని బాధించిందని, కానీ తాము ఎన్నడూ కూడా సమాజంలో ఎవ్వరినీ బాధపెట్టే విధంగా ఏమీ చేయాలనుకోలేదని, అనుకోకుండా ఎవరినైనా బాధ పెట్టి ఉంటే క్షమించమని కోరుతున్నామని అన్నారు. దీనిని ఆపేందుకు పోస్టర్ను రద్దు చేస్తున్నామని సంస్థ డైరెక్టర్ అవినాష్ రెడ్డి తెలుపుతూ నోటీసు విడుదల చేశారు. కాగా, మ్యాట్నీ సంస్థ చిరంజీవి నటిస్తున్న 'ఆచార్య'కు నిర్మాణ భాగస్వామిగా వ్యవహరిస్తోంది.